Jejoo

Dans la même rubrique

Inona no menaka tarehy mety aminao?

03/07/2020

Miantoka ny fahasalaman’ny hodi-tava sady mitazona ny hatsaran’ny tarehy tsy ho antitra aloha loatra ny fanadiovana azy isan’andro sy ny fanosorana menaka manamandina. Raha vao diso safidy anefa amin’ny fifantenana izay menaka tarehy ahosotra, dia simba tsikelikely ny tarehy.

 Lire la suite...

Fikarakarana tarehy makiana, rehefa ririnina

02/07/2020

Mora fantatra ny hoditra makiana sy tsy ampy rano. Maina lava izay izy ary tsy mahazo aina firy, satria mora mangidihidy sy marefo, noho ny hatsiaka sy ny hafanana ; mifandrirotra ary tsapa ho mihenjakenjana. Mora tohina ny hoditra makiana, ka izay no tmahatonga azy hila fikoloana manokana. Inona avy ary ireo fihetsika tsara atao ho azy ireo ?

 Lire la suite...

Maska volo sy tarehy amboarina…tandremo ihany !

30/06/2020

Tian’ny vehivavy malagasy kokoa ny mampiasa maska vita ao an-trano, na ho an’ny tarehy izany, na ho an’ny volo.

 Lire la suite...

Fahadisoana 5 fadiana rehefa mampiasa hareza

29/06/2020

Be mpampiasa ny hareza rehefa hanala ny volo amin’ny vatana, noho izy ireny mora ampiasaina sy tsotra kely.

 Lire la suite...

“Maquillage” gasigasy, mifanaraka amin’ny asaramanitra…

25/06/2020

Miloko volon-tsôkôla ny ati-mason’ny ankamaroan’ny malagasy.

 Lire la suite...

Nahoana no ilaina ny « baume à lèvres » ?

24/06/2020

Rehefa mangatsiaka tahaka izao ny andro, no tena ampiasan’ny olona ny « baume à lèvres ».

 Lire la suite...

Tandremo, misy tsy mahazaka ny “gommage”

23/06/2020

Ny fahalalan'ny besinimaro ny « gommage » dia hoe manala « peau morte » na ireo hoditra maty mandoto sy mahaela ny fipoitran’ny hoditra vaovao.

 Lire la suite...

Beauté

Otra atao isan’andro, tsy mampisy kentrona

20/11/2019

Fantatrao ve fa mitondra vahaolana maro amin’ny fikoloana ny hatsaran-tarehy ny otra ? Ity iray ity izao dia manala havizanana sady misoroka ny fipoiran’ny kentrona izay maha-antitra ny tarehy :

 

 

 

 

 

Ny fanaovana azy :

  • Apetraka eo amin’ny handrina ny felan-tanana roa. Toy ny pasohanana amin’ny rantsan-tanana miainga avy eo afovoany mankany amin’ny sisiny ny handrina.
  • Raha efa izay dia avonkona ny totohondry dia orina amin’ny ankihibe ny volomaso.  
  • Atao manoritra boribory manaraka ny fihodin’ny famataranandro ny eo amin’ny fihirifana roa, amin’ny alalan’ny loha-rantsan-tanana. Somary manindry kely rehefa manao ity otra ity. Atao mifanohitra indray ny fihetsika avy eo.
  • Orina ny manodidina ny maso, eo amin’ny mifanandrify amin’ny taolana, ka atao manoritra boribory hatrany ny fihetsiky ny rantsan-tanana.
  • Eto dia ny fanondro roa indray no ampiasaina hipotsipotserana ny taolan’orona. Atao midina ny fihetsika, ka tsindriana amin’ireo fanondro ireo koa ny fototry ny orona roa.
  • Farany, apetraka eo amin’ny teboka ifanenan’ny valanorano ambany sy ny valanorano ambony ny rantsan-tanana. Eo afovoan’ny takolaka no misy azy io. Orina atao manoritra boribory ireo faritra ireo mba hanatsotra ny hozatra mifanandrify aminy.

 

Fanazavana fanampiny :

Rehefa manotra ireo faritra voalaza ireo dia atao amin’ny lafiny roa foana ny fihetsika, izany hoe : mihodina miankavia dia averina miankavanana indray avy eo. Atao mialohan’ny hatory ity otra ity no tena tsara. Atao isan’andro mba hisy vokany. Ho hitanao fa hitsotra tsara ny hodi-tava, ela vao mipoitra ny kentrona, ho afaka mora foana koa ny havizanana hita soritra eny amin’ny tarehy.

 

Hary

 <<Retour

 

Copyright 2009 Jejoo