Jejoo

Dans la même rubrique

Mampirafy ahy ve izy ? ahoana ny ahafantarana

19/08/2019

Mampirafy ahy ve izy, fanontaniana iray izay maro mpanontany ary mety hanimba ny tokantrano koa na mitombina na tsia ny valiny. Midika mantsy fa efa misy ahiahy ao anatin’ny olona mametraka izany fanontaniana izany . Na izany aza, misy tokoa ny fambara hamantarana raha miaraka amin’olona hafa ny lehilahy na tsia :

 Lire la suite...

Tsiambaratelo hialana amin’ny hasarotam-piaro

12/08/2019

Mahasaropiaro anao fatratra ny vadinao na ny olon-tianao. Raha azonao natao dia niaraka taminy foana na aiza na aiza alehany.

 Lire la suite...

Torohevitra 10 hambaboana lehilahy tiana

29/07/2019

Ahoana ny atao mba hambaboana ny lehilahy manintona ny tena, maka ny fony ary mitazona izany mandrakizay ? Ireto misy torohevitra mety hanampy anao

 Lire la suite...

Tia ahy ve izy ? ahoana ny hahafantarana ?

22/07/2019

Fanontaniana maro be mpametraka ity hovaliana androany ity. Tena tia ahy ve ny vadiko na ilay olona miaraka amiko io? Misy fambara hahafahana manamarina fa tena tia ahy izy? Ireto ny tsara ho fantatra mahakasika izany :

 Lire la suite...

Tsiambaratelo mampaharitra ny fanambadiana

15/07/2019

Inona ny tsiambaratelo mampaharitra ny fiarahana sy mikolo ny fitiavana eo amin’ny olon-droa ?Mety fihetsika kely sy bitika izy ireny kanefa misy vokany. Atoronay anao ny santionany :

 Lire la suite...

Torohevitra 5 hanadinoana tanteraka ny olon-tianao taloha

01/07/2019

Vehivavy maromaro no nizara tamin’ny Jejoo ny fomba nanadinoany ny olon-tiany izay nandao azy sy nisaraka taminy. Azonao angalana hevitra izany satria nandaitra tamin’izy ireo.

 Lire la suite...

Azo havotana ny tokantrano miha-rava…

24/06/2019

Azo hatao ny manarina sy manavotra ny tokantrano mitady ho rava raha arahina ireto fitsipika 10 ireto. Tsy mora tokoa kanefa azo atao tsara :

 Lire la suite...

Love

Ny atao haha-latsa-pitia azy tanteraka

08/07/2019

Tianao ho latsa-pitia tanteraka aminao ve izy ? Azo atao ihany izany. Ireto misy torohevitra mety hanampy anao : Efa mba nifanerasera aloha

 

Marihina am-boalohany aloha fa natao ho an’ireo olon-droa efa hita ho misy soritra fifandraisana na « complicité » ireto torohevitra ireto fa tsy ho an’ny olona mbola tsy nifanerasera taminao mihitsy akory.  Tsapanao fa mankafy ny miresaka aminao izy saingy tsy ampy ilay tselatra irosoana lalina kokoa sisa. Marina fa tsy azo terena ny fitiavana. Azo hatao kosa ny manampy tosika ny olon-tiana hanapa-kevitra. Ireto no atao :

Tsy manatona azy akaiky loatra

Nialohan’ ny nahita azy dia vehivavy mahaleo tena ianao. Aza miova amin’izany mihitsy. Mijanona ho mahaleo tena hatrany. Indraindray aza dia tokony hanalavitra azy kely mihitsy. Amin’izay mantsy izy halahelo anao. Tsy hanana fahafahana na fotoana hahalelovana anao kosa izy raha toa ianao ka eo foana, vonona ny handray azy isaky ny mitady anao izy. Rehefa eo ianao indraindray dia hahatsapa kosa izy fa sarotra ilay tsy misy anao.

Manana fiainana ankoatra azy :

Ny vehivavy latsa-pitia matetika dia manakatona ny fiainana ivelan’ilay olon-tiany ary lasa mifantoka aminy tanteraka. Hadisoana tanteraka izany. Ho sempotra mantsy izy ka ho mora leo anao indray. Ny tena mety dia ny manohy ny fiainana toy ny taloha ihany. Mihaona amin’ny namana, miaraka amin’ny fianakaviana. Tohizo ny fanaovana ny alavoly fanaonao. Hanampy anao tsy ho « lakaoly » be aminy koa ny manao izany.

Mitazona mistery ny ampaham-piainana

Mora leo izay ny lehilahy. Tsy mety aminy ny fiainana feno fahazarana be fa mila zavatra miovaova sy manaitra izy. Ahoana ny hanaovana an’izany? Voalohany indrindra aloha dia tsy maintsy mitazona ny ampaham-piainana ho mistery na dia efa te-hizara aminy ny momba anao rehetra aza ianao.

Manao izay hahatonga azy ho gaga aminao

Asehoy azy mian-dalana fa tsy lafy iray ihany ny maha-ianao anao. Amin’izay ho gaga foana izy raha vao momba anao. Ho leo anao mantsy izy raha fantany ao anatin’ny volana vitsy avokoa ny momba anao rehetra sy ny toetranao. Raha noheveriny fa olona maotina sy matotra be ianao dia hanaitra azy ny hahita anao hitarika azy handeha hivoaka hiaraka handihy ohatra. Tena handaitra manokana ny manao zavatra iray izay tsy ampoiziny ho vitanao. Tandremo anefa, aza manery tena be ndrao hanao adalana indray.

Mijanona ho ianao ihany

Aza mampiseho lafy ankoatra ny maha ianao anao anefa. Azo antoka fa ilay ianao amin’ny tena maha-izy azy anao no nanintona azy hiresaka aminao. Ny hany ataonao kosa dia ny mikolo ny mistery momba anao mba hahatonga azy te-hahafantatra anao be be kokoa. Tsy tokony ho ao anatin’ny fotoana fohy izany.

Hary

 

 

 

 <<Retour

 

Copyright 2009 Jejoo