Jejoo

Dans la même rubrique

Ny fomba fitiavana tena maha-sambatra…

13/01/2020

Maro ny vehivavy mahatsiaro mijaly ara-pitiavana. Anisan’ny mampijaly azy ireo indrindra ny tsy firarahiana sy ny hasarotam-piaro. Mety avy amin’ny fanavahana ireo fihetseham-po roa ireo koa anefa no ahafahana mitady vahaolana amin’izany.

 Lire la suite...

Mahatratra ny vady nampirafy, ny tsy tokony atao !

06/01/2020

Mampirafy ny olon-tianao, na ny vadinao. Rehefa tratranao izy, dia manazava, miangavy, mifona, mandamin-dresaka.

 Lire la suite...

Hadisoana telo tsy mahasambatra ny mpivady

30/12/2019

Amin’izao vanim-potoana izao indrindra no tsara hanaovana jery todika hanatsara ireo lesoka hita ao anatin’ny fiainan-tokantrano. Misy santionany telo matetika fanao ireto tokony hahitsy :

 Lire la suite...

Nampirafy izy, mbola azo itokisana ve?

16/12/2019

Marary ny ampirafesina. Ankoatra ny alahelo sy ny hatezerana dia tsy maintsy mipetraka koa ny fanontaniana ny amin'ny tokony atao.

 Lire la suite...

Fambara 4 fa tsy natao ho anao izy

02/12/2019

Tsy ny fe-potoana niarahana no hahafantarana raha tena natao ho anao na tsia ny olona iarahanao fa ny fifandraisana misy sy mampifamatotra anareo. Raha ireto 4 ireto no mitranga dia tsy natao ho anao izy.

 Lire la suite...

Kitso : kitikitiho hianohana fahafinaretana faratampony!

26/11/2019

8.000 isa eo ho eo no isan’ny retsika amin’ny kitso. Izany rahateo no mahatonga azy ho taova itoeran’ny fahafineratan’ny vehivavy. Araraoty ny fikitihina azy raha te-hambabo vehivavy.

 Lire la suite...

Fiarahana vao miandoha, fadio ireto…

25/11/2019

Tsy ampy ny mitia fotsiny fa misy ny fihetsika tsy maintsy tandremana raha tiana haharitra ny fiarahana ho an'ireo vao miaraka amin'ny olon-tiany.

 Lire la suite...

Love

Torohevitra 5 hanadinoana tanteraka ny olon-tianao taloha

01/07/2019

Vehivavy maromaro no nizara tamin’ny Jejoo ny fomba nanadinoany ny olon-tiany izay nandao azy sy nisaraka taminy. Azonao angalana hevitra izany satria nandaitra tamin’izy ireo.

 

 

Nanapaka tanteraka ny fifandraisana

Tsy misy « remède-miracle » mampanadino mora foana ny olona niaraka taminao izany.  Ny nataoko dia nofafako tanteraka tamin’ny fiainako izy sy ny momba azy rehetra. No “bloquer-ko” izy tao anaty Facebook. Nofafako ny laharan’ny findainy. Notapahako koa ny fifandraisana tamin’ny namana iombonanay. Fantatro fa tsy mety fa tsy zakako ny nahita an-dry zareo. Tao anatin’ny nataoko koa ny tsy mandeha amin’ny toerana rehefa fandehananay. Tena hoe : karazana famafana fitadidiana faobe mihitsy no nataoko. (Karen)

Tsy tonga lafatra izy

Nandritra ny fiarahanay dia tadidiko mihitsy fa toy ny tonga lafatra tsy misy kianina mihitsy io olon-tiako io. Izany tokoa angamba ny hoe :mahajamba io fitiavana io. Rehefa nisaraka izahay dia nisokatra tsikelikely ny masoko. Nataoko lisitra koa ny « défaut »-ny rehetra. Teo vao tsapako fa olona tsy matotra mihitsy izy, manambany olona ary izaho tafiditra ao anatin’izany. Anisan’ny nataony matetika nandritra ny fiarahanay koa ny mibaiko ahy amin’ny tokony ho fitondran-tena hananako. Tsy tsapako mihitsy izany tamin’izay mbola niaraka. Izahay efa nisaraka vao tsapako. Tena nahatsiaro ho toy ny olon’afaka aho avy eo satria afaka namadika iny pejy iny. (Lova)

Manao zavatra foana

Vao nisaraka aloha izahay dia tena mafy dia mafy ny nanjo ahy satria dia tany aminy foana ny saiko na vao mifoha na any am-pandehanana na rehefa ao am-pandriana. Vao tsy misy atao kely aho dia lasa mahatsiaro ny fotoana mamy niarahanay.  Dia latsa-dranomaso eo indray aloha. Tsy mety mihitsy ilay mipetrapetraka tsy manao na inona na inona fa manjary mandefa eritreritra any aminy. Nanomboka teo dia mitady zavatra hatao foana aho. Tsy dia mandeha taxibe aho raha tsy tena voatery fa aleoko mandeha an-tongotra. Mialohan’ ny hatory dia mandoko ireny sarisary mandala ireny aho fa ireny hono mantsy manala « stress ». Tena nandaitra tamiko mihitsy.  (Koloina)

Mifanadala amin’olona

Vao nisaraka tamin’ilay olona niaraka tamiko aho dia lasa somary nadiditra. Mivoaka alina matetika. Mifanadala amin’olona ao anaty Facebook. Tsy tena hoe : miaraka mivantana akory fa mba mifanadaladala fotsiny. Tsy naharitra be akory izany. Soa ihany koa. Azoko antoka fa tsy tsara ho ahy ny nanao izany foana fa mety ratsy fiafara indray aho. Fa nanampy ahy kosa anefa izany hamerenako ny fahatokisan-tenako izay very mihitsy taorian’ilay fisarahana. Fantatro fa mbola afaka  mambabo aho, fantatro fa mbola tsy very anjara aho. Ny tsy ataoko intsony fotsiny dia ny milalao. (L)

Mifantoka amin’ny asa

Mety hoe : tsy maharesy lahatra ny maro indray ny ahy ny fomba nataoko saingy tena nahomby tamiko ilay izy. Ny asako no nanavotra ahy tsy ho revo ao anatin’ny « depression ». Tena nifantoka tanteraka tamin’ny asako aho vao nisaraka izahay. Tsy mijanona ny asa raha tsy efa hatory. Vizana loatra aho isaky ny hariva hany ka lasa mora matory tsy manam-potoana iasana saina aminy akory. Nahitam-bokany ho an’ny asa koa ny ezaka nataoko rehetra. Vao maika nanamafy ny fahatokisan-tenako ny fankasitrahan’ny lehibe sy ireo mpiara-miasa amiko ny fomba fiasako. Nanokatra varavarava maro ho azy izany. Lasa mihamaro karazany koa ny olona mifanerasera amiko ary iray tamin’izy ireny no miaraka amiko amin’izao. (Sylvie)

 

 

 <<Retour

 

Copyright 2009 Jejoo