Jejoo

Dans la même rubrique

Ahoana ny atao ahitako olona tiako sady tia ahy

23/03/2020

Ny ho tiana sady ho tia, izay no nofinofin’ny ankamaroan’ny olona. Ahoana anefa no ahitana ilay olon-tiana io? Misy azo atao ve hanafaingana ny fahitana azy? Mety hanampy anao ireto torohevitra ireto

 Lire la suite...

Nisaraka : Fomba 4 mampitony ratram-po

16/03/2020

Mazàna dia aorian'ny fisarahana amin'ny olon-tiana no miseho. Ahoana no atao mba ho sitrana amin'izany? Ireto misy torohevitra 4 azo atao.

 Lire la suite...

Torohevitra 5 hanamafisana ny fifandraisam-po eo amin'ny mpivady

09/03/2020

Inona ny atao mba ho tsara fifandraisana foana ny mpivady? Atoronay anao 1- Miresaka fa tsy maminavina fotsiny

 Lire la suite...

Mahay mifaneho fitiavana, na efa ela niarahana aza

04/03/2020

Any am-piandohan'nyy fiarahana, dia mandeha ho azy ny fifampizaràna fitiavana, ny fifanehoana tambitamby, ny fitenenana teny mamy...

 Lire la suite...

Nyatao, mba tsy hampirafy ny lehilahy…

02/03/2020

Misy toetra, trangam-piainana, vanim-potoana… mety hanosika ny olona aoanaty tokantrano ny ho amin’ny fampirafesana.

 Lire la suite...

Fomba 4 hahatonga azy tsy handao anao intsony

24/02/2020

Mampalahelo ny mahatsiaro fa mandeha ila ihany ny fitiavana ao anatin’ny fiarahan’olon-droa. Ahoana tokoa ny hatao mba hahatonga azy vonona ny hiroso lalindalina kokoa aminao sy tsy hahafoy anao mihitsy

 Lire la suite...

Mpivady na mpifankatia mielanelan-taona be, tokony ho olana ve ?

17/02/2020

Hafahafa ny fijerin'ny olona ny mpifankatia na mpivady misy elanelan-taona be. Ary mety lasa izany aza no sakana ho an'ny mpifankatia sasany. Fa tena tokony ho olana tokoa ve anefa?

 Lire la suite...

Love

Azo havotana ny tokantrano miha-rava…

24/06/2019

Azo hatao ny manarina sy manavotra ny tokantrano mitady ho rava raha arahina ireto fitsipika 10 ireto. Tsy mora tokoa kanefa azo atao tsara :

 

  • Mifantoka aminareo

Azonao hatao irery izany. Diniho amin’ny fotoana mangina ny mahakasika ny vadinao. Mbola tianao ve izy ? Inona no tsy tianao eny aminy ? Mety mbola ho tiako ve ny hiaraka aminy afaka 10 taona ?Mety ve ny hataoko azy ? Marina ve ireo fanakianana ataony amiko… Diniho amin’ny fo tsy miangatra.

  • Miady amin’ny fahazarana

Tsy maintsy mandalo an’izany avokoa ny mpivady rehetra. Mitadiava kosa fomba ialana amin’ny fiainana diso mandeha am-pahazarana loatra. Mba manokàna fotoana ianareo roa hiarahana mijery sinema ohatra na misakafo any amin’ny “restaurant”. 

  • Mikarakara tena

Na dia efa aman-taonany aza no vadinao izy dia tokony hobaboina hatrany. Ilaina ny mikolo ny vatana sy ny tarehy. Fadio noho izany ny manao paozy tsy dia mivaky loha loatra eo imasony. Koloy toy ny ikoloina ny fifankatiavana ny tenanao.

  • Asandratra izy

Rehefa ela ny ela dia tsy romantika intsony ny mpivady. Ny kiana no lasa mibahana indrindra raha nahazoazo kibo ohatra ramose. Ovao doka ny fanakiananao azy. Izay ihany no fomba hanatsarana ny fifandraisanareo. Ataovy tsapany fa manandratra azy ianao mba hahatsapany fa mbola tia azy ianao.

  • Vonoina ny fahitalavitra

Mamono ny filàna ny fahitalavitra. Noho izany, aza asiana fahitalavitra aloha ao amin’ny efitrano fatoriana. Manaraka izany, mifanaraha amin’ny ora laniana manoloana ny fahitalavitra mba hahazoanareo mivady fotoana ho anareo manokana.

  • Mampiasa hanihany

Rehefa manaraka izao lahatsoratra izao dia  misy no te-hanontany sahady hoe : dia tsy azo atao ve izany ny manakiana azy mihitsy ? » . Rehefa misy ny tsy mety dia tokony holazaina tokoa  izany saingy amboary kely kosa ny fomba ilazana ireo zavatra tsy zakanao na hitanao fa tsy mety hataony. Mety ho mora ho azy kokoa ny handray azy raha toa ka atao miendrika hanihany ohatra no fomba ilazana azy.

  • Koloina ny filàna

Tsy atao mahamenatra ny miresaka momba  izany satria manana ny toerany lehibe ao anatin’ny fiainan’ny mpivady ny firaisana ara-nofo. Aza menatra ny mifanaitaitra amin’ny alalan’ny someso na ny hafatra ifandefasanareo mivady amin’ny seham-pifandraisana.

  • Manao tetikasa lavitr’ezaka

Miaraha mametraka tetikasa hotanterahina. Efa endriky ny fifanarahana hiarahana manatanteraka izany. Mampifandray am-po ny manao izany sady mahatonga anareo hifanara-tsaina. Mety misy foana ny tsy fitovian-kevitra ao anatin’izany fa ny zava-dehibe dia ny fiarahana mijery ny marimaritra iraisana.

  • Mianatra miaritra

Tsy mora ny monina miaraka amin’ny olona tsy mitovy fijery, tsy nitovy fanabeazana. Izany indrindra no ilana ny fahaizana mandefitra sy miaritra.

  • Malemy paika

Ny tena tsara atao dia ny mamadibadika im-pito ny lela mialohan’ ny hitenenenana sy hamoahana teny mandratra. Ezaho hatao foana aloha rehefa misy zavatra tsy azonao nataony ny mizaha ny antony nanaovany izany. Meteza mitoetra amin’ny toerana iray minitra aloha. Mangataha fanazavana fa ataovy amin’ny fomba tsotra sy tsy mivatravatra.

 

Hary

 

 <<Retour

 

Copyright 2009 Jejoo