Jejoo

Dans la même rubrique

Ireo dingana 5 arahina raha hiverina amin’ilay teo aloha

09/09/2019

Vao nisaraka ianareo saingy tsy te-hanary azy ianao satria mbola tia. Misalasala ianao satria na ny manodidina anareo aza efa tsy mandrisika anao amin’izany intsony koa .Inona ny fomba azo atao raha sendra izany?

 Lire la suite...

Mpifankatia miady : Antony 3 mahatsara azy

02/09/2019

Tsy misy mpifankatia na mpivady tsy miady izany. Mety ho ratsy fiafara anefa izany raha toa ka tsy hay ny mandravina azy. Fantaro koa anefa fa mety hanamafy ny fifamatoran’ny mpivady ny adiady. Diniho anie ireto tombony azo avy amin’ny adin’ny mpifankatia ireto e :

 Lire la suite...

Torohevitra 7 mampaharitra ny fiarahana

26/08/2019

Fanontaniana matetika hapetraky ny tanora ny hoe : ahoana no atao mba hampaharitra ny fitiavana sy ny fiarahana. Inona ny hadisoana tsy tokony hatao ? Atoronay anao :

 Lire la suite...

Mampirafy ahy ve izy ? ahoana ny ahafantarana

19/08/2019

Mampirafy ahy ve izy, fanontaniana iray izay maro mpanontany ary mety hanimba ny tokantrano koa na mitombina na tsia ny valiny. Midika mantsy fa efa misy ahiahy ao anatin’ny olona mametraka izany fanontaniana izany . Na izany aza, misy tokoa ny fambara hamantarana raha miaraka amin’olona hafa ny lehilahy na tsia :

 Lire la suite...

Tsiambaratelo hialana amin’ny hasarotam-piaro

12/08/2019

Mahasaropiaro anao fatratra ny vadinao na ny olon-tianao. Raha azonao natao dia niaraka taminy foana na aiza na aiza alehany.

 Lire la suite...

Torohevitra 10 hambaboana lehilahy tiana

29/07/2019

Ahoana ny atao mba hambaboana ny lehilahy manintona ny tena, maka ny fony ary mitazona izany mandrakizay ? Ireto misy torohevitra mety hanampy anao

 Lire la suite...

Tia ahy ve izy ? ahoana ny hahafantarana ?

22/07/2019

Fanontaniana maro be mpametraka ity hovaliana androany ity. Tena tia ahy ve ny vadiko na ilay olona miaraka amiko io? Misy fambara hahafahana manamarina fa tena tia ahy izy? Ireto ny tsara ho fantatra mahakasika izany :

 Lire la suite...

Love

Mihataka amiko izy, inona ny hataoko ?

17/06/2019

Zavatra mety hitranga eo amin’ny mpifankatia ny hoe : toy ny mihataka izany ny an-daniny. Tsy dia mazoto miantso na mandefa someso toy ny tamin’ny vao niaraka. Fa inona ny mitranga? Tsy te-hiaraka aminao intsony ve izy? Tsy tia anao intsony ve izy ? inona ny hatao ?

 

Misy antony foana

Rehefa miova tahaka izany ny fomba fifandraisany aminareo dia fantaro fa misy antony foana na inona na inona izany antony izany. Fantaro anefa fa tsy voatery avy aminao foana izany. Ny lehilahy mihitsy no mifantoka tanteraka amin’ny olana sedrainy raha toa ka sendra izany.  Mila fotoana irery hakana saina sy handinihina izy amin’izay fotoana izay. Zavatra tsy tokony hatao indrindra ny manome tsiny azy noho izy lasa toa mangina sy heverinao fa tsy miraharaha anao. Tsy tokony hatao koa ny miantso azy foana. Matoa izy te-hihataka dia tsy te ho helingelenina mihitsy.

Tena mihataka maharitra be

Raha efa ho lava kosa ny azy dia tsara ihany hatonina izy ary hanontaniana mihitsy ny heviny mahakasika ny fiarahanareo. Miresaka mifanatrika mihitsy no mety amin’izay fotoana izay mba tsy hisy ny fifandisoan-kevitra.

Aseho azy fa vonona hanohana azy

Raha mandalo fotoan-tsarotra izy ka tsy te-hoelingelenina mihitsy dia hajao ny faniriany. Na izany aza, asehoy azy fa vonona ny hanohana azy ianao na dia hoe : ho sofina mihaino ny olany fotsiny aza. Ataovy fantany fa manan-danja aminao izy. Mety ny manontany azy tsindraindray toy ny hoe : manao ahoana izy. Tsy atao totoafo kosa anefa.

Maka fotoana ho an’ny tena manokana

Marina fa toa mampalahelo ilay hihatahana tahaka izany. Rehefa azonao antoka fa tsy avy aminao ny olana ary tsy misy ahiana ny fiarahanareo dia mijanona ho tony. Mba tsy hifantohanao be loatra amin’ny alahelonao azy  dia ifantohy kosa ny fiainanao manokana. Tratraro ny tanjona efa napetrakao ho an’ny fiainanao manokana. Miaraha amin’ny namanao. Manaova fanatajahan-tena ohatra. Tsy mampaninona mihitsy ny miala voly rehefa misy fotoana fa vao maika mampivelatra anao izany.

Fehiny

Mila hery sy ezaka avy amin’ny an-daniny sy ny an-kilany foana ny fiarahan’olon-droa. Misy fotoana mety mba te-hitokana ny olona tsirairay. Tsy midika akory izany fa tsy tia intsony na hoe : hotapahana ny fiarahana. Fotoana hangalana bahana iny ny marina mba hahafahana manome ainga vao ny fiarahana indray. Tsy tokony hikorapaka be foana noho izany raha toa ka mihataka aminao ny olon-tianao.

 <<Retour

 

Copyright 2009 Jejoo