Jejoo

Dans la même rubrique

Aferontany : ody mamy ho an’ny ankizikely !

22/11/2019

Ho an’ireo ray aman-dreny fahiny, rehefa sendra manavy na mikohoka ny ankizikely, na koa diso nihinana zava-mamy loatra, dia aferotany no fanafody. Tantely, vatomaty “pecto” sns maro karazana ireo afangaro aminy, raha ny fanaon’ny olona.

 Lire la suite...

Salade de pates à la sauce caramel

21/11/2019

Akora ilaina · Paty 500g · Katsaka amin’ny boaty 150g · Voatabia 2 · Fraomazy 200g · Nofon-kenan-kisoa 500g · Tongolo be 2 · Menaka

 Lire la suite...

Fivaviana sy andro mafana…tandremo ny aretina!

21/11/2019

Mety hampiova ny fahasalaman’ny vatana ny hafanana ary isan’ireo mety hiantefan’izany ny fivaviana. Hoy ny dokotera.

 Lire la suite...

Andro mamay be : Tandremo ny zazakely, zokiolona, bevohoka

18/11/2019

Anatin’ny vanim-potoanan’ny fahavaratra isika amin’izao fotoana izao. Tafiditra miaraka amin’izay ny hafanana izay tena mamely.

 Lire la suite...

Zava-maniry « ofika » : manasitrana vay !

15/11/2019

Fanafody nentim-paharazana, tena fampiasa foana ny ofika rehefa misy vay ny olona iray. Eny amin’ireny mpivarotra tapa-kazo ireny no ahitana azy. Toy izao kosa ny fampiasana an’io akora io, raha misy vay.

 Lire la suite...

Zaza tsy mitombo ao am-bohoka : Fa maninona?

14/11/2019

Saro-pady be mihitsy ny fitondrana vohoka eo amin’ny vehivavy. Tranga mety hiseho amin’izany ohatra ny « Retard de Croissance Intra-utérine » izany hoe :

 Lire la suite...

Manga : Efa azo hanina ve amin’izao?

13/11/2019

Efa ambara amintsika ombieny ombieny ny mahakasika ny voankazo izay vokatra sy ny maha-latsak’orana azy na tsia. Vokatra izao ny manga, efa azo hanina tsara.

 Lire la suite...

Santé

Otra nentim-paharazana : Rora sy sira, … no ampiasaina

24/05/2019

Manan-danja tokoa ny otra eo amintsika Malagasy. Betsaka izy ireo amin’izao fotoana : kinésithérapie, ostéothérapie, reflexothérapie sns. Ho an’ny lahatsoratra androany dia ny otra nentim-paharazana Malagasy no ndeha horesahantsika.

 

Otra izay talenta manokana

Otra tahaky ny otra rehetra ny otra nentim-paharazana Malagasy. Entina mitsabo ny tsy fahatomombanana amin’ny ozatra, taolana, sy ny momba ny tenan’olombelona (fanaintainana, tsy fahazoana aina ) izy io. Amin’izao fotoana izao anefa dia difitra ao anatin’ny otra avy any ivelany (Kiné, Ostéo, refléxothérapie…) izay mila ampianarina sy mari-pahaizana vao afaka manao azy, ny otra Malagasy. Mampiavaka an’ity farany anefa dia otra miainga avy amina talenta voajanahary, teo anivon’ny fiaraha-monina, niainana teto Madagasikara hatramin’ny nisian’ny olona, mba hiatrehana ny tsy fahasalamana.

Otra Malagasy isan-karazany

Maro karazany ireo otra nentim-paharazana:

·         Otra ho an’ny vehivavy bevohoka na mitady zaza. Ity farany izay hataon’ny antsoina hoe  :“mpanavanana” na koa renin-jaza. Raha hazavaina dia ankoatra ny mampiteraka dia mikojakoja ilay otra mba hiatrehana ny fitondrana vohoka toy ny hoe : ambany toerana ilay zaza, mavesatra sns. Ny vehivavy manana aretina any amin’ny taovam-pananahana, toy ny “latsapatana” ohatra dia misy otra hatao manokana ho azy koa.

·         Otra vorika: any amin’ny faritra Betsimisaraka any. Otra natao ho an’ny fivontosana na vay vonto.

·         Otra “antifanaigny” na “zafindralemy” any amin’iny faritra Avaratra Atsinanana iny. Ny “antifanaigny” izay mitsabo ny tapaka, vadin-kozatra, folaka.

·         Otra “rôkatra” : ho an’ireo olona nilanja entana mavesatra ka lasa marary tratra na lamosina vokatry ny faharerahan’ny taova.

·         Otra tsy mivantana : Any amin’ny faritr’i Morondava izay tsy atao mivantana amin’ilay marary fa lasa mody ilay mpanotra, manao otra amin’ny vatany eo izy, dia sitrana ilay tapaka na folaka.

·         Otra ho an’ny ankizikely  :izay mitsabo ny alibotra sy alifisaka. Ary eto Afovoan-tany moa dia misy ny otra hitsaboana ny mangamaso (lalina ny lanilanin’ilay zazakely, milempona ny lohamaleminy, mikaperoperotra ny hoditra, tsy ampy rano).

Mampiasa tanana sy fitaovana

Mampiasa ny tanany aloha ilay mpanotra. Miaraka amin’izany dia mety hampiasa menaka voanio izy. Misy ihany koa ny otra miaraka amin’ny zava-maniry (vahona, tsipipihana, sodifafana sns) ho an’ny “vadin-kozatra”. Ho an’ny “mangamaso” indray dia miankina amin’ilay mpanotra, fa mety hampiasa hazo manitra, voan-drofia, vody fanoto miaraka amin’ny rano izy. Ho an’ny “mpanavanana”, mitsabo ny vehivavy latsapatana, dia rano mafana. Ho an’ny “vorika” indray dia mety mitsakotsako sira miaraka amin’ny rorany na koa “mena-draharaha” ny mpanotra. Ny “rôkatra” dia mampiasa sakamalaho sy menak’omby na katrafay sns. Farany moa dia misy ireo mampiasa karazana lohamenaka.  Izany hoe : arakaraky ny aretina, ny talenta, no hampiasaina fitaovana miaraka amin’ny tanana, ao anatin’ilay otra.

 Ahoana no hamantarana hoe : tena mpanotra nentim-paharazana ilay olona?

Ny tena mpanotra ara-pomba Malagasy sy manana an’io talenta io dia tsy milaza ny tenany hoe : mahay an’izao, fa ny fiaraha-monina mahalala azy. Tsy mila dokam-barotra ireo mpanotra ireo fa ny olona no manatona azy. Manaraka izany, matetika no manana ny asany hafa manokana izy, tsy misy idiran’io talentany io. Fahatelo, mazàna hasina no hangatahany (izay foy) fa tsy fitadiavam-bola. Ary ny farany dia tsy mahay otra hafa ankoatra io hananany talenta io izy.

Andriandrainarivo Josephin Rasamivelona

Filohan’ny fikambanan’ny mpitsabo nentim-paharazana eto Madagasikara

Nangonin’i Nelly-Bri

 

 <<Retour

 

Copyright 2009 Jejoo