Jejoo

Dans la même rubrique

Atody : Tsy tokony hihoatra ny 3 isan-kerinandro

12/11/2019

Mpikaroka maro no efa nanadihady mahakasika ny isan’ny atody tsara hohanina. Tsy mitovy avokoa ny valin-tenin’izy ireo. Ity entina aminao ity dia vokatry ny fikarohana natao vao haingana ary nivoaka tao amin’ny gazety boky medikala JAMA.

 Lire la suite...

Ireo sakafo toa maivana fa be menaka

05/11/2019

Efa miezaka manamboatra ny sakafo ho voalanjalanja sy ho ara-pahasalamana ianao.

 Lire la suite...

Menaka kôkô, mahasalama, tsy mampatavy

29/10/2019

Ahosotra amin’ny volo ihany no tena heverina fa fampiasana ny menaka na ny diloilo kôkô. Marobe anefa ny tombontsoa azo avy amin’ny fihinanana ity menaka ity.

 Lire la suite...

Antony 5 mahatonga ny olona hihatavy

22/10/2019

Matetika ny hampihena tena foana no mahamaika.

 Lire la suite...

Sakafo 8 misoroka ny homamiadana

15/10/2019

Ahoana ny atao raha te-hiaro ny tena tsy ho voan'ny homamiadana ? Azo atao amin'ny alalan'ny fitandremana ny sakafo sy fanaovana fampihetseham-batana matetika izany. Ireto misy sakafo misoroka manokana ny homamiadana.

 Lire la suite...

Sakafo 5 mandoro ho azy ny tavy

08/10/2019

Tsy misy fahagagana ny fampihenan-tena fa izay sakafo miditra ny vava ihany no mivoaka eny amin’ny vatana.

 Lire la suite...

Ireo sakafo azo hanina, tsy voafetra

01/10/2019

Misy fetrany avokoa ny fatran’ny sakafo azo hanina rehetra.

 Lire la suite...

Diététique

Sakafo 10 manala sy misoroka ny rarin-tsaina

02/04/2019

Fahavalon’ny fahasalaman’ny vatana ny rarin-tsaina na ny « stress ». Mitarika ny vatana hahazo fahazaran-dratsy ara-tsakafo mantsy ny toe-po miovaova.

 

 

Soa fa misy sakafo manampy mandrindra ny rarin-tsaina sady manampy mampiakatra ny môraly amin’ny fotoan-tsarotra. Ireto avy izy ireo :

  • Ny tantely : Be vitamina B sy C ka afaka manala havizanana sy rarin-tsaina tokoa .
  • Ny zavoka : Be manezioma sy potasioma ka mampihena ny tebiteby sy ny hakizintinana.
  • Ny poavrao : Avo roa heny amin’ny vitamina C ao anaty voasarimakirana no hita ao anatiny sady mitondra « carotène » koa izy izay havadiky ny ao anaty ho lasa vitamina A. Mbola maro ankoatra izay ny otrikaina mahasoa ao anatiny ka ireo rehetra ireo no manampy manena ny havizanana.
  • Ny akondro : misy singa mampamoaka dopamine sy sérotonine ao anatiny. Ireo tsiry mpanentana ireo no manampy ny ati-doha handrindra ny rarin-tsaina sy ny fiasan’ny retsika. Akondro iray isan’andro dia ampy.
  • Ny chocolat : feno manezioma ny chocolat noir sady misy « caféine » sy « thébromine »  ary tryptophane koa. Manaitaitra sady mampifantoka ireo singa ireo no manatsara ny toe-po koa. Chocolat noir singany 4 na “chocolat” mafana iray lovia jobo sotroina dia hitony vetivety ny rarin-tsaina .
  • Ny safran : Manatsara ny toe-po sady mampitony ity episy ity. Marina fa sarotra ny mampiasa azy ao anaty sakafo raha tsy hoe : lasopy na vary na paty. Azo hanaovana zava-pisotro kosa izy sotroina mialoha ny hatory.
  • Ny mofo feno na « pain complet » : Be « fibres » sady be manezioma sy vitamina B ity karazana mofo ity. Fantaro fa mampitohana ny rarin-tsaina indraindray ka manampy mandrindra izany ny “fibres”.  
  • Ny rano : Tsy ampoizina loatra kanefa dia manampy mampihena ny rarin-tsaina tokoa ny rano raha be manezioma izy. Rano 1 litatra eo farafahakeliny isan’andro no sotroina.
  • Ny trondro matavy : Be omega-3 ny saumon sy ny thon sady be vitamina B2. Miaro ny sela amin’ny “radicaux libres” ireo no manatsara ny fiasan’ny retsika.
  • Ny epinara : Be manezioma ity anana ity ka manatsara ny fiasan’ny “système nerveux” koa. Mba tsy ho very ny otrikaina ao anatiny rehefa mahandro azy dia andrahoina amin’ny entona izy fa tsy ampangotrahina.

Araka izany, raha mahatsiaro ho mavesatry ny rarin-tsaina dia aza misalasala mihinana ireo karazan-tsakafo ireo

Hary

 <<Retour

 

Copyright 2009 Jejoo