Jejoo

Dans la même rubrique

Seha-pihariana Lany ny lalàna mifehy ny vokatra biolojika

16/05/2020

Nolanian’ireo solombavam-bahoaka ny talata 12 mai lasa teo teny amin’ny CCI Ivato ny volavolan-dalàna laharana faha-010/2019 tamin'ny 28 novambra 2019, izay mifehy ny famokarana biolojika eto Madagasikara.

 Lire la suite...

FANAFIHANA TAO FENERIVE-EST : Fianakaviana ihany no nanao azy

15/05/2020

Olona miisa 04 ahitana lehilahy 02 sy vehivavy 02 no voasambotry ny polisy miasa ao Analanjirofo izay isan'ny nandray anjara tamin'ny fanafihana mitam-piadiana niseho tao amin'ny fokontany Ambodihazinina kaominina Ambatoharanana Distrikan’i Fenerive-Est ny 05 May nifoha 06 May lasa teo.

 Lire la suite...

Tanjondava Talatamaty Nahazo EPP vaovao

07/05/2020

Anisan’ireo Fokontany 12 be olona sahirana indrindra ny Fokontany Tanjondava ao anatin’ ny kaominina Talatamaty, distrikan’Ambohidratrimo.

 Lire la suite...

Mpianatra hanala fanadinana Nampitoviana ny fandaharam-potoana isaky ny sokajy

24/04/2020

Nizotra araka ny tokony ho izy ny fampidirana ny mpianatra hanala fanadinana tany amin'ny Faritra toy ny tany Matsitra Ambony , Antsiranana, Diego,

 Lire la suite...

Tsenan’i Mahamasina : niverina tsikelikely

24/04/2020

Niverina tsikelikely nandray ny asany isan’alakamisy ireo mpivarotra eny amin’ny tsena Mahamasina

 Lire la suite...

MPANAKANTO Nampian’ny Ministeran’ny kolontsaina

22/04/2020

Tsy ireo marefo ara-pivelomana irery fa saika misedra ny fahasahiranana ateraky ny fihibohana avokoa ny isan-tokantrano amin’izao. Ho an’ireo mpanakanto manokana izay ahitana ny mpihira,

 Lire la suite...

Masoivoho Frantsay : Hisy sidina roa haka ireo frantsay tsy tafody

21/04/2020

Hisy sidina manokana hiainga avy eto Antananarivo ho any Parisy ny alakamisy 23 aprily izao. Sidina nalefan'ny Air France ary niainga avy ao La Réunion izy ity.

 Lire la suite...

Ado

Fanojo (voalaza fa very) : Vidin-kiraro tsy voaloa 45.000Ar no nampitsoaka azy

26/02/2019

Niantoka kiraro fa tsy nahalafo izany no nahatonga an’i Fanojo, 15 taona nitsoaka. «Tsy nanampo azy izay ho velona intsony aho». Io no tenin’ny reniny raha nanontaniana raha nilaza momban’i Fanojo.

 

 

 

Nitebiteby, nitady azy ny fianakaviana

Tsy hita nanomboka ny  alatsinainy 18 febroary hariva sahabo tamin’ny 5ora sy sasany ity mpianatra ity, ary mbola nilalao basikety izy no nilaozan’ireo namany. Niparitaka tamin’ny tambazotran-tserasera sy ny haino aman-jery sasany izany izay nilaza fa “mitaintaina mafy izahay fianakaviany”, hoy ny zokiny, Sévina. Velon-tebiteby ny  ray aman-dreniny sy ny iray tampoho aminy nandritra izany, efa nikaroka tamin’ireo namany sy havany ary olom-pantany teto Antananarivo Renivohitra. Tonga hatrany amin’ny tranom-paty mihitsy aza, ary nifandray tsy tapaka tamin’ny mpitandro filaminana sy ny mpampahalala vaovao.

Nisy nahita teny Ankazobe

Ny ampitso tolakandron’io, ny  19 febroary, naharay antso ireo fianakaviana fa tsikaritry ny mponina mirenireny any Ankazobe ilay zazalahy tsy hita teto Andrenivohitra. Tamin’io ihany, nandray fiara nihazo ny Renivohitr’i Vonizongo ireo ray aman-dreniny. Raha vantany vao tonga tany izy, niantso ny mpanao gazetinay, mbola sempotra : “Misaotra amin’ny fifampitam-baovao,  tamin’ny tambazotram-piarahamonina, indrindra niara-nizaka taminay ny tebiteby tamin’ny fitadiavana ilay zaza, vao mahatazana azy mihitsy aho izao fa rahampitso ianao antsoiko”. Izany no tenin’ny reniny tamin’izany izay mbola tao anaty ranomasom-pifaliana.

Resaka kiraro

Raha ny tafa farany nifanaovana tamin’ny antso an-tariby afak’omaly, nilaza ireo ray aman-dreniny fa resaka kiraron’ny namany tsy lafo no nampandositra ilay zazalahy. “Niantoka kiraron’ilay namany izy izay mitentina 45.000 Ariary, kinanjo tsy mety lafony izany nefa ireo namany tsy manaiky fa vola no nifanarahana fa tsy misy entana miverina izany. Noho ny tahotra ireto namany sy ny tsy fahasahiany nilaza izany taminay, hany heriny, lasa izy nitsoaka. Ankazobe no noheveriny fa lavitra tsy ahitana azy. Nataony saran-dalana izay hany mba tahiriny, tsy azony an-tsaina velively ny ho sakafony sy ny trano fonenana”. Araka ny tenin’ny reniny hatrany.

Tsy mety mianatra

Noho ny tahotra ireo namany, mbola tsy mety mianatra i Fanojo, efa nanatona ny manam-pahefana eo an-toerana, ao amin’ny fokontany iray misy azy ireo amin’ny faritry ny  Distrika faha-dimy eto Andrenivohitra ny ray aman-dreniny ary nametraka fitarainana sy hampanao raharaham-pihavanana handravonana ny raharaha. Efa lany mihoatra ny vidin’ireo kiraro ireo ray aman-dreny nitadiavana ity tovolahy ity.

Haja Nirina

 

 <<Retour

 

Copyright 2009 Jejoo