Jejoo

Dans la même rubrique

Nisaraka, ny atao hitrakana indray

15/04/2019

Toy ny fahafatesana kely mafaitra sady mangidy ihany ny fisarahana amin’ny olon-tiana. Sarotra tokoa ny miarina amin’izany saingy azo atao kosa anefa fa mila ezaka anaty. Ny atao :

 Lire la suite...

Ny fomba ikoloana fitiavana, mba tsy hankaleo…

08/04/2019

Any am-piandohan'nyy fiarahana dia mandeha ho azy ny fifampizaràna fitiavana. Rehefa ela niarahana kosa,

 Lire la suite...

Manambady mandeha “mission” lava…

01/04/2019

Amin'izao vanim-potoana iainantsika izao, zara aza misy asa ary izay fomba rehetra ahitana vola dia atao, satria sarotra ny fiainana.

 Lire la suite...

Itaosy : Lehilahy tratra nampirafy, novoim-badiny…nandriaka ny rà

26/03/2019

Lehilahy iray sahaho ho 40 taona eo ho eo no notoraham-badiny tamin’ny tavoahangy afaka omaly Alahady hariva tokony ho tamin’ny 05 ora tao anatina bar iray tao amin’ny kaominina

 Lire la suite...

Fa maninona aho no tsy misy mpitia?

25/03/2019

Misy milaza fa iria-mahaory ny olon-tiana. Indraindray tokoa manko, toa mankaleo ihany izy ireny, indrindra rehefa miady lava izay, saingy ireo tokan-tena, tsy mba manana olon-tiana kosa, dia mahatsiaro tena ho very hevitra sy mijaly, indrindra ireo izay mbola tsy niaraka tamin’olona hatrizay niainany.

 Lire la suite...

Ahoana no hifehezana ny hasarotam-piaro ?

18/03/2019

Raha ny tena marina, dia sady tsy tsara no tsy ratsy ny hasarota-piaro. Ny mety ho zava-bitan'ny olona iray saro-piaro tafahoatra, no mety ho ratsy, fa tsy ilay fihetseham-po akory.

 Lire la suite...

Mpifankatia mifanaja : ahoana marina izany ?

15/03/2019

Hoy i Om-Gui any anatin'ny asa-sorany iray hoe : manaja vao mitia. Misy fahamarinany izany, satria raha ny fanadihadiana natao tany Frantsa tany dia isan'ny antony faharoa mahatonga ny fisaraham-panambadiana ny tsy fahaizana mifanaja !

 Lire la suite...

Love

Fa inona no mahatonga ny lehilahy hamono vady ?

08/02/2019

Araka ny voalazan’ny mpikaroka sasany dia ny vady andefimandry no atahorana hanala ny ain’ny vehivavy kokoa noho ireo olon-dratsy isan-karazany, toy ny mpamono olona.

Tsy voatery hitovy avokoa anefa ny lehilahy manao herisetra. Misy no tsy matetika no mamono ny vadiny, tsy ao anatin’ny toetrany amin’ny ankapobeny ny tia setrasetra, fa antony avy any ivelany no mampirongatra ny herisetra ao anatiny. Ny sokajy faharoa kosa dia ilay tena mahery setra mihitsy, mamono vady matetika ary tsy mba manenina amin’izay nataony. Tsy tokony ho ekena mihitsy anefa ny fikasihan-tanana, na inona na inona antony ary tokony hitadiavam-bahaolana ny tsy hisiany intsony, raha toa ka efa mihatra.

Mandika ny fiainana hitany

Ny antony voalohany sy matetika indrindra mahatonga ny lehilahy hisetrasetra amin’ny vadiny dia avy amin’ny zavatra niainany fony fahazaza. Mazàna izy ireny no niaina tao anaty tokantrano nanjakan’ny herisetra, na ara-batana na ara-tsaina, ka izay hitany no heveriny fa ara-dalàna. Raha toa ny zazalahy iray ka nahita ny rainy nanambany vehivavy foana, dia mbola kely izy dia efa mianatra manambany vehivavy koa. Heveriny fa ny fampitahorana sy ny fampiondrehana ny vehivavy eo anatrehany no maha-tena lehilahy azy. Amin’izay fotoana izay, sady mampihatra ny “fampianarana” nomen’ny rainy izy no mitady fankasitrahana avy amin’io dadany io ihany koa.

Manaraka ny kolontsaina

Any amin’ny firenena sasany, ekena na heverina ho ara-dalàna mihitsy ny famonoan’ny lehilahy ny vehivavy. Any amin’ireny firenena ireny manko, tsy mitovy zo mihitsy ny lahy sy ny vavy ary mbola heverina ho toy ny fanaka, mpanompo, haingo, sy fananana fotsiny ny vehivavy. Fa na any amin’ny firenena efa mandroso be aza dia mbola maro ny lehilahy mihevitra fa azo atao, amin’ny fotoana sasany, ny mamono ny vehivavy. Araka ny voka-panadihadiana iray natao tany Angletera, ohatra, izay nandraisan’ny zazalahikely 11 sy 12 taona anjara, dia ny 75% tamin’izy ireo no mihevitra fa azo atao ny mikasi-tanana ny vehivavy, raha toa ka nandrangitra azy io vehivavy io. Eto amintsika, ny 45%-n'ny vehivavy dia mandray ny herisetra atao aminy ho ara-dalàna.

 

Araka ny fanadihadiana iray nataon’ny mpikaroka avy ao amin’ny oniversiten’i Rhode Island ao Etazonia, dia ireto antony 11 ireto no mahatonga ny lehilahy ho lasa mampihatra herisetra ara-batana, na ara-tsaina ao anatin’ny tokantranony :

 1. Efa toetra raiki-tapisaka aminy mihitsy ny herisetra

 2. Tsy an’asa izy

 3. Mikasika zava-mahadomelina, fara-faharatsiny in-dray mandeha izy, ao anatin’ny iray andro

 4. Nahita ny rainy nikasi-tanana an-dreniny izy

 5. Tsy vita mariazy ara-dalàna izy mivady

 6. Kely karama ilay lehilahy raha mitaha amin’ny vadiny

 7. Tsy nianatra na tsy manana diplaoma firy ilay lehilahy

 8. Eo anelanelan’ny 18 sy 30 taona ilay lehilahy

 9. Mahery setra amin’ny zanaka izy mivady, na ny iray amin’izy mivady

10. Ambany be mihitsy ny fidiram-bola ao an-tokantrano

11. Samy hafa fihaviana, na samy hafa fitaizana be, na samy hafa kolontsaina ny mpivady.

 

Fytia

 

 <<Retour

 

Copyright 2009 Jejoo