Jejoo

Dans la même rubrique

Nivo Lalandy “Maha-sambatra ny manana taovolo natoraly”…araho ny fanazavany Iza moa i Nivo Lalandy?

11/02/2019

Miarahaba anareo, Nivolalandy ny anarako, mpandraharaha monina eto Antananarivo. 4 taona teo ho eo izay no nanapahako hevitra ny hanaiky tanteraka ny toetran’ny voloko, izay olioly sy matevina. Io volo io indrindra no nahalasa ahy ho “Natural hair activist” izay midika hoe “manaiky tanteraka sy faly amin’ny natioran’ny voloko, fa indrindra manainga sy manome ohatra ho an’ny hafa, mba ho tojo amin’izay tanjona izay ihany koa.

 Lire la suite...

Toro-hevitra 6 mampivoaka tsara ny lokom-bolo

07/02/2019

Ny volo miloko dia isan’ny volo marefo sy mila fikarakarana indrindra. Sady manimba ny volo mantsy izy io raha tsy voakarakara no miavasoka ilay loko na miova tanteraka. Araho ary ireto toro-hevitra ireto mba hivoaka tsara lokom-bolonao.

 Lire la suite...

Vehivavy 23 taona aho, 32 taona ny vadiko. Bevohoka aho izao, nefa mbola tsy vonona mihitsy.

07/02/2019

Niteny tamin’ilay vadiko aho hoe : aleo esorina aloha ilay zaza, dia tezitra be tamiko izy. Tsy tsapany mihitsy ilay tsy fahavononako sady izaho tena matahotra miteraka be mihitsy. Efa nifanaraka koa izahay fa hanararaotra kely ny tokantrano aloha, dia rehefa 25 taona aho vao manao bevohoka. Inona no tokony ataoko ?

 Lire la suite...

« Après-shampooing » : Ny fomba fisafidianana azy

31/01/2019

san’ny singa fototra amin’ny fikarakarana ny volo ny « après-shampooing ». Tsy maintsy ampiasaina ity akora ity n’inona n’inona toetry ny volo. Manamandina ny volo sy miaro azy no tena asany. Tokony hifanaraka tsara amin’ny toetry ny volo kosa anefa ny fisafidianana azy mba tsy hanimba azy indray.

 Lire la suite...

Ireo taovolo lamaodin’ny taona 2019

10/01/2019

Amin’ity taona ity dia miverina lamaody indray ny volo tena mitsotra na ho an’ny volo lava izany na ho an’ny volo fohy. Hanamarika ity taona ity koa ny volo natoraly miolankolana. Raha eo amin’ny loko kosa dia ny lokom-bolo tena mazava no tena malaza amin’ity taona ity.

 Lire la suite...

Hetim-bolo mora karakaraina, ho an’ireo maika lava

03/01/2019

Ilàna fikarakarana betsaka ny volo satria izy no tena mamoaka ny endrika. Misy anefa ireo vehivavy tsy dia manam-potoana loatra ka tsy mahavita mikarakara ny volony. Ireto misy hetim-bolo tsy dia mandany fotoana loatra ny fikarakarana azy.

 Lire la suite...

Ireo lokom-bolo lamaody rehefa andro mafana

03/01/2019

Malaza dia malaza ny lokom-bolo marevaka any ivelany any amin’izao fotoana. Misy ihany koa anefa ireo Malagasy izay efa sahy manao izany. Mety tsara amin’ny andro mafana raha ireto lokom-bolo miavaka ireto.

 Lire la suite...

Coiffure

Toro-hevitra 6 mampivoaka tsara ny lokom-bolo

08/02/2019

Ny volo miloko dia isan’ny volo marefo sy mila fikarakarana indrindra. Sady manimba ny volo mantsy izy io raha tsy voakarakara no miavasoka ilay loko na miova tanteraka. Araho ary ireto toro-hevitra ireto mba hivoaka tsara lokom-bolonao.

 

 

Mampiasa akora natokana ho an’ny volo miloko

 

Ny  fitsipika tokony harahina voalohany indrindra raha manana volo miloko dia ny fampiasana ny akora mifanaraka amin’izany. Manomboka any amin’ny « shampooing » izany ka hatrany amin’ny « après-shampooing », ny maska ary ny menaka na ny « sérum ». Tsy ahitana  singa antsoina hoe « sulfate » izay tompon’antoka voalohany amin’ny fahasimban’ny loko mantsy izy ireny ka tokony ampiasaina mba hampivoaka sy hampaharitra ny lokom-bolo.

 

Tsy manatsotra volo

 

Ireny karazana fitaovana  fanatsorana volo (fer à lisser) ireny dia tena manimba ny  lokom-bolo. Tokony ho fadiana voalohany indrindra aloha ny fampiasana ireny karazana fitaovana ireny raha mbola mando ny volo. Ferana araka izay azo atao ihany koa ny fampiasana azy ireny. Raha ny tokony ho izy dia eo amin’ny indray mandeha isaky ny 15 andro eo ny fampiasana izany. Ny tena tsara aza moa dia tsy mampiasa ireny karazana fitaovana ireny  fa ny fanatsorana volo amin’ny alalan’ny entona  no mety ho an’ny volo miloko.

 

Safidiana izay haingom-bolo ampiasaina

 

Mba tsy hahatapatapaka ny volo sy hahavakivaky azy dia fadiana ny mampiasa haingom-bolo vita amin’ny vy izay harafesina. Tsy tsara ihany koa ny mampiasa ireny fatoram-bolo plastika na vy mety hanapatapaka ny volo sy hanimba ny loko ireny.

 

Arovana amin’ny hafanana

 

Isan’ny manimba ny lokom-bolo  ihany koa ny hafanana be loatra. Mba hiarovana amin’izany dia tsara raha “sèche-cheveux” misy hafanana aza amboarina no ampiasaina. Ireny misy rivotra mangatsiaka ireny koa no tena tsara hananan’ireo manana volo miloko. Rehefa manao “brushing” moa dia tokony hampiasa akora miaro ny volo hatrany.

 

Fadiana ny hain’andro

 

Ny volo miloko no mora hiaran’ny voka-dratsin’ny hain’andro sy ny sira indrindra. Miavasoka na miova tanteraka mihitsy mantsy ny lokom-bolo raha tratran’ireo singa ireo. Ny mety araka izany dia mampiasa akora miaro ny volo amin’ny masoandro ary manasa loha hatrany isaky ny avy milomano.

 

Meva

 

 <<Retour

 

Copyright 2009 Jejoo