Jejoo

Dans la même rubrique

Mifantina ranomanitra ho an’ny olon-tiana

22/08/2019

Manambara fitiavana ny ranomanitra, ka tsy vitsy ireo mora babon’ny fofona entin’ny olona iray. Azo atao tsara ihany koa ny manolotra ranomanitra atao fanomezana ho an’ny tiana,

 Lire la suite...

Ny atao mba tsy hanimba hoho ny “vernis gel” …

21/08/2019

Manampy be an’ireo vehivavy na tovovavy maika lava sady tsy manam-potoana firy hikarakarana hoho, ny “vernis gel”.

 Lire la suite...

Tarehy tsy misy olana mihitsy : Mila karakaraina koa

20/08/2019

Betsaka amin’ny vehivavy tsy manana olana loatra eo amin’ny tarehy, na manana tarehy ara-dalàna, no manapa-kevitra ny tsy hikitikitika ilay hodi-tava mihitsy sao miova ny kalitaony.

 Lire la suite...

Tantely sy voasarimakirana : manala « points noirs » vetivety

19/08/2019

Manelingelina ny maso ny fisian’ireo « points noirs » eo amin’ny tarehy sy ny orona. Raha vao tsy karakaraina haingana izy ireny dia mihamaro sady lasa sarotra esorina indray. Fomba iray azo hanesorana azy ireo ny tantely sy voasarimakirana, fa idealy kokoa sady mandaitra tsara ny karibônetra.

 Lire la suite...

Ranomanitra toy ny ahoana no mety amin’izao toetrandro izao ?

08/08/2019

Azo handrefesana lafin-javatra maro ny hanitra hanaovana. Misy olona sasany dia ny fofon-dranomanitra eny aminy no hamantaran’ny olona azy.

 Lire la suite...

Mba halandina sy halefaka tsara ny tongotra

05/08/2019

Vodi-tongotra vakivaky, fela-tongotra marokoroko sy maimaina be… tranga tsy vaovao amin’ny hatsiaka sy ny rivotra mangatsiaka izany rehetra izany. Ireto kosa ny paipaika tsotsotra azonao ikoloana tongotra ao an-trano ao, mba hialana amin’izay tongotra maina sy makiana be izay, ka hahatonga azy ho malefaka lalandava…

 Lire la suite...

Manomana ny hoditra, ho any amin’ny morontsiraka

01/08/2019

Fahafinaretana sy fialana amin’ny mahazatra no isan’ny antony fototra handehanana mamonjy ranomasina.

 Lire la suite...

Beauté

Ny atao, mba tsy ho simba mihitsy ny tarehy…

08/02/2019

Tsy dia manana olana firy eo amin’ny tarehy ianao, fa kosa maniry ny mba hitazona an’io hatsarany io. Misy ny tsara ho fantatra sy ny fomba amam-pahazarana mila atao, mba tsy hiandrasana an’ilay tarehy ho simba vao hikarakara azy. Indro ny torohevitra.

 

 

-         Ny hodimaso no koloina voalohany

Manify kely mantsy io faritra io, ka mora itarafana ny fahasimban’ny hodi-tava. Araka izany dia mila fikoloana manokana izy io. Raha efa mananika ny 35 taona, dia tsara raha akora manamandina na serum tena natokana ho an’ny maso no ikoloana io faritra io.

-         Tandremana tsara ny sakafo hanina 

Mety tsy ataonao an-tsaina loatra ny fifandraisan’ny sakafo sy ny tarehy satria tsy manana olana firy ianao. Tadidio anefa fa raha mihinana sakafo be mpanala arafesina ao anaty toy ny legioma sy voankazo ianao, dia hampadio ny hoditrao sy hitazona ny fihenjanany izany. Ho ela kokoa vao hikentrona sy hiroraka ny hoditrao

-         Misotro rano betsaka

Raha vitanao ny misotro rano 2litatra isan’andro, indrindra fa amin’izao andro mafana be izao, dia hahazo tahirin-drano ampy hahasalama tsara azy ny hoditrao. Veloma ny kentrona madinika sy ny fahamainan’ny hoditra, na ny hidihidy.

-         Miala sigara

Sampanana roa tsy maintsy hanaovana safidy ny sigara sy ny hatsaran-tarehy. Ialao avy hatrany ity karazana zava-mahadomelina iray ity, raha tianao halandina sy ho tsara hatrany ny hodi-tavanao. Arakaraky ny mahaela ny fotoana hifohanao sigara mantsy, no ipoiran’ny kentrona sy ny hoditava miforiporitra, mifitsaka, maina kely, miroraka, … Tsy vitan’izay fa tsy hahazo endrika mazava tanteraka ianao, fa somary ho malomaloka foana, noho ireo singan-tsigara any anaty rà.

- Lokoy ny volo

Teknika iray tena mahomby hanakonana ny lesoka eo amin’ny tarehy ny fandokoana ny volo. Loko manazava endrika, fa tsy mifanipaka lavitra amin’ny lokon-koditra no atao amin’ny volo. Ho hitanao fa rehefa asongadinao ny taovolo, dia takona sy lefilefy ho azy izay tsimetimety mila afenina eo amin’ny tarehy eo.

 

 

Ando

 

 

 

 <<Retour

 

Copyright 2009 Jejoo