Jejoo

Dans la même rubrique

Mihataka amiko izy, inona ny hataoko ?

17/06/2019

Zavatra mety hitranga eo amin’ny mpifankatia ny hoe : toy ny mihataka izany ny an-daniny. Tsy dia mazoto miantso na mandefa someso toy ny tamin’ny vao niaraka. Fa inona ny mitranga? Tsy te-hiaraka aminao intsony ve izy? Tsy tia anao intsony ve izy ? inona ny hatao ?

 Lire la suite...

Paikady 3 hatao dia tsy saro-piaro intsony

03/06/2019

Ratsy avokoa ny vokatry ny hasarotam-piaro indrindra raha diso tafahoatra izany. Mampijaly ny sain’ny olona saro-piaro mantsy izany.

 Lire la suite...

Liva : Tsy tiako intsony ny vadiko

24/05/2019

Tranga mety miseho ao anatin’ny tokantrano koa ny hoe : tsy tiana intsony ny vady. Anisan’ny nahatsapa izany i Liva. Solon’anarana nosafidiany io fa tsy tena nomeny anay ny anarany mba hiarovana ny tokantranony :

 Lire la suite...

Fambara sivy fa miankin-doha ara-pihetseham-po

20/05/2019

Ahoana no hahafantarana fa tsy fitiavana fa efa fiankinan-doha ara-pihetseham-po no tsapanao ho an’ny olona miaraka aminao ? ireto ny fambara hanavahana azy :

 Lire la suite...

Inona ny tsy hahafoizanao ny vadinao na ny olon-tianao?

17/05/2019

Nahoana no io olona miaraka aminao io no olon-tianao na vadinao fa tsy hafa ? Inona no tsy hahafoizanao azy, inona ny tombony hananany raha mihoatra ny hafa? Nanontaninay ny lehilahy ny hevitr’izy ireo mahakasika izany. Namaly izy ireo :

 Lire la suite...

Te hanadino lehilahy tiana

13/05/2019

Anisan’ny fanontaniana apetraky ny tovovavy vao nisaraka tamin’ny olon-tiany matetika ny hoe : ahoana ny atao hanadinoana azy ? Mankarary fo loatra mantsy ilay fisarahana ary mila adinoina izy. Tena tsy mora ny manadino olon-tiana. Hampahory anao tanteraka anefa raha tsy manapa-kevitra ny hanao izay tokony atao hanadinoana azy ianao.

 Lire la suite...

Nisaraka, ny atao hitrakana indray

15/04/2019

Toy ny fahafatesana kely mafaitra sady mangidy ihany ny fisarahana amin’ny olon-tiana. Sarotra tokoa ny miarina amin’izany saingy azo atao kosa anefa fa mila ezaka anaty. Ny atao :

 Lire la suite...

Love

Lehilahy lehibe sy vehivavy tanora kely mifankatia… olana be ve ?

11/01/2019

Fomba fiteny foana ny hoe : tsy misy taonany ny fitiavana, ary koa ny hoe : tsy mifidy iantefana ny fitiavana.

 Na izany aza anefa, mbola manelingelina ny mason’ny fiarahamonina, amin’ny ankapobeny, ny mahita lehilahy efa be taona sy vehivavy tanora kely miaraka. Ratsy foana ny fitsara azy ireny matetika, nefa mety ho tena fitiavana no iarahan’izy roa…

Tsy misy taonany ny fitiavana ?

Samy manana ny karazan’olona mety hampifoha ny fitiavany ny olona tsirairay. Ny tsikaritra kosa dia tsy tena mipetraka foana ilay fomba fiteny hoe : “tsy misy taonany ny fitiavana”, rehefa mandinika ny fiarahamonina. Rehefa samy nahazoazo taona mantsy ny mpifankatia dia toa tsy manelingelina loatra firy ilay elanelan-taona. Eken’ny fiarahamonina kokoa, ohatra, ny fiarahan’ny lehilahy 60 taona, amin’ny vehivavy 40 taona, raha mitaha amin’ny fifankatiavan’ny lehilahy 38 taona, amin’ny vehivavy 18 taona, nefa dia mitovy tanteraka ny elanelana amin’ireo tranga roa ireo : samy 20 taona !

Misy ve ny elanelan-taona idealy ?

Tsy misy loatra ny lalàna mifehy ny taonan’ny fitiavana eo amin’ny olona mifankatia, fa rehefa samy ampy taona daholo ny lahy sy ny vavy dia mety. Mba ialàna amin’ny mety ho vavam-bahoaka anefa dia tsara ihany raha toa ka tsy mihoatra amin’ny antsasaky ny taonanao, ny elanelan-taona eo aminareo roa. Toy izao izany, raha atao ohatra : raha 20 taona ianao, 10 taona ny antsasaky ny taonanao, dia tokony ho 30 taona izany, raha lehibe indrindra, ilay olona miaraka aminao. Raha 40 taona ianao, 20 taona ny antsasaky ny taonanao, dia tokony ho 60 taona izany, raha lehibe indrindra, ilay olona miaraka aminao…

Fa inona no olana ?

Ny tena olana mantsy, rehefa be loatra ny elanelan-taona eo amin’ny mpifankatia dia efa tsy mitovy intsony ny zavatra ironan’ny saina, ny tanjona sy ny fomba fiaina. Mety ho tsy mbola mieritreritra fiarahana matotra be firy, ohatra ilay tanora kokoa, nefa efa te hiroso amin’ny fanambadiana sy te hanan-janaka ilay be taona kokoa. Tokony hazava tsara eo amin’ny mpifankatia izany, ka hahay hifandefitra sy hifankahazo ary hikaroka ny marimaritra iraisana hatrany, raha toa ka olona roa mielanelan-taona lavitra no miaraka.

 

Fytia

 <<Retour

 

Copyright 2009 Jejoo