Jejoo

Dans la même rubrique

Inona ny « BB Crème » mety amin’ny hoditro ?

19/07/2019

Efa tsy zoviana amin’ny maro loatra intsony ny « BB Crème » amin’izao vaninandro iainantsika izao.

 Lire la suite...

Eye-liner : Inona no manendrika ny masonao?

17/07/2019

Manana ny fitsipika sy ny lalànany koa ny fanosorana ny « eye-liner ». Tokony atao manaraka ny firafitry ny maso izany mba hitondra fanovàna amin’ny tarehy.

 Lire la suite...

Mampirongatra mony ny rarin-tsaina …

15/07/2019

Marobe ny antony mety hahatonga ny mony hipoitra eo amin’ny tarehy. Ny rarin-tsaina na ny “stress”

 Lire la suite...

« Anti-rides » natoraly, azo amboarina ao an-trano

13/07/2019

Azo atao tsara ny manafina ireo kentrona madinika eo amin’ny tarehy. Tsy voatery hividy akora eny an-tsena aza fa afaka manamboatra ny « anti-rides » manokana ho anao ao an-trano.

 Lire la suite...

Mamaritra volomaso mifanaraka amin’ny endrika

12/07/2019

Azo lalaovina sy haingoina hanova ny endrika ny volomaso eo amin’ny handrina. Rehefa hanamboatra volomaso, noho izany dia mila mitandrina tsara, sao mifanipaka amin’ny endrika andrasana no fivoakan’ny tarehy. Na ny endrik’ilay nanamboarana azy, na ny hateviny, dia samy zava-dehibe avokoa. Manana ny lamaodiny koa anefa izy ireny.

 Lire la suite...

« Pédicure » tsotra kely vita ao an-trano

11/07/2019

Na ririnina aza ny andro ka somary tavela ny kapakapa mampiseho tongotra, dia tsy maintsy kolokoloina foana ny tongotra. Azo atao tsara ny mikolokolo azy ao an-trano, na ireny antsoina hoe « pédicure » ireny. Dingana 3 ireto atoronay anao ireto.

 Lire la suite...

Ireo sakafo 5 mana-antitra haingana be

10/07/2019

Isan’ireo fambarana havizanana mitarazoka ny firorahan’ny tarehy, ny fiovan’ny lokony ho lasa matroka, ny kentrona, sy ny maro hafa.

 Lire la suite...

Beauté

Endrika reraka : Ireo « gommage » natoraly mety aminao!

04/01/2019

Ilaina ny mampiasa akora natoraly ikoloana ny endrika, na dia efa mampiasa akora vidiana eny an-tsena aza. Tafiditra ao anatin’izany ny akora fanaovana « gommage » sy maska. Isan’ireo mandaitra sy tsara indrindra, nofantenan’ny matihanina ho anao mpamaky izy ireto.

 

 

Tsara ho fantatra mialoha

Ny maska, dia atao mba hamelombelomana sy hanalefahana ny hoditra. Ny « gommage » indray dia manadio ny hoditra, any anatiny ka hatreny ivelany, ary manala ny loto manentsina mason-koditra. Mila fitandremana, araka izany ny « gommage » satria mety hamparefo ny hoditra. Etsy ankilany, ny olona manao « fond de teint » matetika, na tia mampiasa akora eo amin’ny tarehy, dia tsaratsara kokoa raha in-2 isa-kerinandro no manao « gommage » arahina maska. Raha marefo na makina ny hoditra, dia in-dray mandeha isaky ny tapa-bolana na in-3 isam-bolana ihany, raha betsaka no azo hanaovana azy. Ho an’ny « gommage » anefa dia tsaratsara kokoa raha amin’ny hariva na amin’ny alina no hanaovana azy. Avela miaina malalaka sy azon’ny hazavana izy ny ampitso, izay vao hosorana maska.

 

  • Ho an’ny tarehy mifangaro na « peau mixte »

Mety tsara ho an’ireo hoditra mora maina, nefa mora be menaka izy ity.

-       Siramamy fotsy madinika tsara, 1 sotro lehibe

-       Yaourt tsy mamy 2 sotro lehibe

 

  • Ho an’ny tarehy be menaka, be mony

-       Antsasaka voasarimakirana

-       Menaka oliva kely

-       Siramamy 1 sotro fihinanana

 

  • Ho an’ny tarehy makina

-       Tantely 1 sotro lehibe

-       Yaourt 1 sotro lehibe

-       Vovoka amande 2 sotro lehibe

 

  • Fampiasana ny « gommage »

Afangaro tsara ireo akora ireo, ahosotra amin’ny tarehy ary somary kosehina moramora mandritra ka atao manoritra boribory. Kobanina amin’ny rano matimaty rehefa afa-po.

 

 

 

Ando

 

 

 <<Retour

 

Copyright 2009 Jejoo