Jejoo

Dans la même rubrique

Mihataka amiko izy, inona ny hataoko ?

17/06/2019

Zavatra mety hitranga eo amin’ny mpifankatia ny hoe : toy ny mihataka izany ny an-daniny. Tsy dia mazoto miantso na mandefa someso toy ny tamin’ny vao niaraka. Fa inona ny mitranga? Tsy te-hiaraka aminao intsony ve izy? Tsy tia anao intsony ve izy ? inona ny hatao ?

 Lire la suite...

Paikady 3 hatao dia tsy saro-piaro intsony

03/06/2019

Ratsy avokoa ny vokatry ny hasarotam-piaro indrindra raha diso tafahoatra izany. Mampijaly ny sain’ny olona saro-piaro mantsy izany.

 Lire la suite...

Liva : Tsy tiako intsony ny vadiko

24/05/2019

Tranga mety miseho ao anatin’ny tokantrano koa ny hoe : tsy tiana intsony ny vady. Anisan’ny nahatsapa izany i Liva. Solon’anarana nosafidiany io fa tsy tena nomeny anay ny anarany mba hiarovana ny tokantranony :

 Lire la suite...

Fambara sivy fa miankin-doha ara-pihetseham-po

20/05/2019

Ahoana no hahafantarana fa tsy fitiavana fa efa fiankinan-doha ara-pihetseham-po no tsapanao ho an’ny olona miaraka aminao ? ireto ny fambara hanavahana azy :

 Lire la suite...

Inona ny tsy hahafoizanao ny vadinao na ny olon-tianao?

17/05/2019

Nahoana no io olona miaraka aminao io no olon-tianao na vadinao fa tsy hafa ? Inona no tsy hahafoizanao azy, inona ny tombony hananany raha mihoatra ny hafa? Nanontaninay ny lehilahy ny hevitr’izy ireo mahakasika izany. Namaly izy ireo :

 Lire la suite...

Te hanadino lehilahy tiana

13/05/2019

Anisan’ny fanontaniana apetraky ny tovovavy vao nisaraka tamin’ny olon-tiany matetika ny hoe : ahoana ny atao hanadinoana azy ? Mankarary fo loatra mantsy ilay fisarahana ary mila adinoina izy. Tena tsy mora ny manadino olon-tiana. Hampahory anao tanteraka anefa raha tsy manapa-kevitra ny hanao izay tokony atao hanadinoana azy ianao.

 Lire la suite...

Nisaraka, ny atao hitrakana indray

15/04/2019

Toy ny fahafatesana kely mafaitra sady mangidy ihany ny fisarahana amin’ny olon-tiana. Sarotra tokoa ny miarina amin’izany saingy azo atao kosa anefa fa mila ezaka anaty. Ny atao :

 Lire la suite...

Love

Efa manana olon-tiana izy …fa tiako

02/01/2019

Tranga matetika miseho ny hoe : efa manana olon-tiana hafa ny olona iarahana. Marobe ny tovovavy miaina izany.

 

 

Misy no efa nahalala ny toe-java-misy, saingy niditra ihany, satria nihevitra fa ho afaka mandresy lahatra azy handao ilay efa tompon-toerana. Misy koa ireo efa tao anatiny sy efa latsa-pitia vao nahafantatra. Ny olana iraisan’izy ireo dia samy lasa mihafihafy. Inona ny atao raha sendra izany ?

Tsy maintsy miafina

Raha miaraka amin’olona efa manan-tompo dia marobe ny tsy azo atao : tsy mahazo mifampitantana eny an-dalana, safidifidiana be ny toerana handehanana sao dia misy olona mahafantatra. Voafetra be koa ny fotoana hiarahana ary tsy afaka ny hisitraka an-kalalahana ny fitiavan’ilay olon-tiana satria mizara ny fandaharam-potoanany sy ny fitiavany. Na ny ora azo hiantsoana sy handefasana someso ho azy aza dia voafetra ihany. Mety efa nilaza izy fa tsy mety mihitsy ny fiarahan’izy ireo, saingy toa tsy isarahany akory anefa io niarahany voalohany io. Mety nilaza taminao koa izy fa ianao no tena tiany, nefa dia tsy maintsy hahita antony tsy hahafahany misaraka aminy foana izy.

Raha ianao no amin’ny toerana ?

Maro, vokatr’izany, no leo an’ilay fiarahana sy mahatsiaro ho mijaly. Diniho anefa fa ianao izany no antony handaingany amin’io olon-tiany io. Hevero, noho izany, ny mety ho fihetseham-pon’ilay miaraka aminy, raha fantany fa mampirafy azy ny olon-tiany. Fa indrindra hevero, raha ianao no ilay tena tompon-toerana, nefa itsakitsahina tahaka izany. Tsy misy vehivavy te hiaina izany kosa angamba.

Ny vahaolana

Ny hany vahaolana dia ny miresaka amin’ilay olon-tiana.  Tokony ajanona ny fiarahana miafina. Tokony hisafidy izy, na ianao na ilay efa miaraka aminy ihany no hiarahany. Raha toa moa ka ianao no nosafidiany dia ianao izany no tena tiany. Raha tsy mahavita misafidy izy, na ilay iray no nosafidiany fa tsy ianao, dia ekeo ny fanapahan-keviny ary tsofy rano izy.  Tsy natao ho anao izy izany. Ho mafy tokoa ny hisaraka aminy, indrindra raha efa lalim-paka ny fihetseham-ponao, saingy tadidio fa ny toerana voalohany sady tokana ihany no mendrika anao. Tsy hahita ilay lehilahy hanome anao izay anjara toerana izay mihitsy ianao, raha mbola miharitra miaraka aminy ihany.

 

Hary 

 

 <<Retour

 

Copyright 2009 Jejoo