Jejoo

Dans la même rubrique

Te ho tsara tarehy amin’ny fety : Ny tokony atao dieny izao!

06/12/2018

Tapa-bolana mialohan’ny fetin’ny krismasy sy ny faran’ny taona isika izao. Betsaka no mihevitra fa ao anatin’ny fety mihitsy vao hikarakara endrika sy bika kely. Nodisoin’ny matihanina izany. Nambaran’izy ireo mantsy, fa dieny izao dia efa mila koloina ny hoditra hahazoana endrika tena miavaka amin’ny fety …

 Lire la suite...

Manomana ny hoho ho lava sy matevina tsara, hiatrika ny fety…

05/12/2018

Ho avy izao ny fety ka mba te hanana hoho lavalava sy maniry tsara ianao. Tianao ihany koa raha mba matevina tsara izy ireo ka tsy voatery hanao “faux ongles” intsony fa avy dia ny hohonao mihitsy no hiangaliana an’ireny karazana fanaingoana hoho na “nail’s art” ireny. Mbola tsy tara ianao raha izao dia efa manomana ny hoho hiatrika ny fety. Ireto ny torohevitra …

 Lire la suite...

« Lentilles » atao foto-tsakafo : Sady mahasalama no mampihena

04/12/2018

Voka-pikarohana iray avy any Canada, no namoaka fa tsara kokoa raha soloina « lentilles » ny vary fotsy sy ny ovy, indrindra ho an’ireo olona voan’ny diabeta na ahiana ho voan’izany. Fantatra fa tsy mampivondraka ity haninkotrana ity, no sady mahasalama tsara ihany koa.

 Lire la suite...

Akondro sy ronono, manatsara hodi-tava vetivety

03/12/2018

Manan-karena « antioxydants » ny akondro. Fahita mandavan-taona koa ity voankazo ity, ka azo atao tsara ny mikarakara tarehy aminy.

 Lire la suite...

Concours miss princesse, petite princesse et petit prince : Araho an-tsary ny fifanintsanana natao omaly

03/12/2018

Tao anaty hafanam-po tanteraka no niatrehan'ireo ankizy ny dingana fifanintsanana voalohany, natao omaly, ao anatin'ilay fifaninana Petit Prince sy Petite Princesse ary Miss Princesse iarahana amin'ny Charm'Elle Beauté.

 Lire la suite...

Antony 3 hanaovanao « blush » isan’andro …manomboka izao

30/11/2018

Manomboka izao ianao dia ho resy lahatra, fa hanatsara endrika anao isan’andro no sady tena ilainao ny fanaovana “blush” eo amin’ny laingon-tava. Tsy voatery hanao haingon-tava be sy “maquillage” manao ahoana mantsy, fa ny laingon-tava fotsiny no haingoana, dia ho manjamanja sy velom-bolo ianao hiatrika ny tontolo andro …

 Lire la suite...

Teknika natoraly mampangirana hoho, tsy mila « vernis »

29/11/2018

Tsy mora ary sarotra ananana izany hoho mangirana, kanefa tsy nosorana “vernis” izany. Rehefa tsy manosotra “vernis”

 Lire la suite...

Beauté

Manovanova “produits” : manimba tarehy ve ?

07/12/2018

Azo atao ve ny manovanova ny akora ampiasaina amin’ny tarehy ? Manimba tarehy ve ny fihetsika tahaka izany sa mampifameno ireo akora isan-karazany ? … Maro amin’ny vehivavy no mifanontany mahakasika izany. Indro àry ny fanazavan’ny matihanina rehefa nanontanianay izany …

 

 

Antony samihafa

Maro ny antony mahatonga ny vehivavy iray, hanova ny akora ampiasainy amin’ny tarehy. Voalohany, ho an’ireo manana tarehy misy olana ka mitsabo azy. Raha ny tena marina mantsy, rehefa manao “traitement” na mitsabo tarehy iray manana olana, dia tokony hiova arakaraky ny fivoarany ny akora ampiasaina eo amin’ilay hodi-tava.  Eo koa anefa ireo   tarehy izay tsy manana olana loatra, ary efa manana ny akora mety aminy tsara,  saingy nanova ny vokatra atolony ilay laboratoara namoaka azy ka tsy maintsy manaraka na manova izany indray ilay mpanjifa. Ary ankoatra ireo, dia misy koa ireo vehivavy izay misafidy ny hampiasa akora novokarin’ny marika samy hafa hikoloana tarehy ka mampifameno azy ireo.

Tsy maninona

Ry zareo avy ao amin’ny Lancôme any am-pitan-dranomasina any dia naneho hevitra mikasika ity fanovanovana ny akora ampiasaina ity ihany koa. Mila vokatra maika be ny vehivavy hoy izy ireo, rehefa manandrana akora vaovao. Nilaza anefa  izy ireo fa tokony haharitra eo amin’ny 4 hatramin’ny 5 herinandro vao  tena hita ny  vokatra raha akora fitsaboana hoditra no resahina. Ireo akora manana fiasa haingana indray, dia eo amin’ny 24 ora eo izany vao tena zatra ny hoditra. Nanamafy anefa  izy ireo, fa tsy tokony hanimba tarehy ny fanovanovana akora, raha toa ka samy manara-penitra sy mifanaraka amin’ny toetran’ilay hoditra izany. Ankoatra izay dia ilaina ihany koa ny mampifanaraka ireo akora ampiasaina amin’ny mety ho toetry ny andro, ny singa tsy zakan’ny hoditra sy ny singa ilain’ny tarehy….

Hoditra marefo

Fantaro koa fa na sarotiny, marefo na mora tohina aza  ny hoditrao dia  tsy voarara ihany ny fanovana akora. Ny sokajin-koditrao sy ny filàny ihany no hajaina tsara dia tokony tsy hisy olana na hivadika amin’ny akora hafa indray aza. Na izany aza nefa, raha ireto sokajin-koditra notanisaina ireto, dia tsy tokony hatao fahazarana sy matetika loatra ny fiovaovana sy fanandramana akora betsaka, noho izy ireo marefo ka tsy afaka hifaninana amin’ny fiovaovana akora toy ny karazan-koditra hafa.

Manara-maso

Raha manana hodi-tava matanjaka sy tsy mba sarotiny izay kosa ianao dia azo lazaina fa misy mahatsara azy ny fanovanovana akora, saingy tsy atao matetika loatra izany. Voalaza mantsy fa manaitaitra an’ilay hoditra sy mandrisika azy ho velombolo hanamafy ny fiarovana voajanahary ao aminy izany fihetsika izany.  “Crème” manara-penitra sy navoakan’ny laboratoara ara-dalàna,  miisa 3 na 4 isan-taona eo no azo  ampifandimbiasina ampiasaina. Isaky ny hanova akora dia diniho tsarany filàn’ilay hoditra hahafahanao mameno ny hatsarany. Miovaova rahateo ny hoditra dia anjaranao ny mameno azy. Raha miova ny vanim-potoana sy ny toetrandro, dia afaka manova akora ianao. Toy izany koa ny hoe, raha tratry ny tsy fahasalamana na fiovan’ny toe-batana sy ny tsiry mpanentana ; raha handeha hiala sasatra ; … dia ara-dalàna tsara ny manova akora.

 

Isaorana i Ambinintsoa Rasoanaivo. Estheticienne, Beauty And’Ntsoa Faravohitra. Fifandraisana : 

Ando

 <<Retour

 

Copyright 2009 Jejoo