Jejoo

Dans la même rubrique

Azo atao ve ny misara-bady raha sendra olona tsy anjara?

23/05/2019

Toe-javatra iray tsy eken’Andriamanitra mihitsy fisaraham-panambadiana. Rehefa nanam-bady ny olona iray dia tokony hizaka izay vokatry ny safidiny.

 Lire la suite...

Tsy miraharaha ahy mihitsy ny sipako nefa izaho tia be azy.

22/05/2019

Henoko fa misy vehivavy adalainy any am-pianarany any. Mijaly aho fa mba toroy hevitra.

 Lire la suite...

Ahoana no hahafantarana fa anjara ny olona iray?

22/05/2019

Araka ny efa voalaza tamin’ny torohevitra teo aloha dia tsy izay fanambadiana tanteraka rehetra no atao hoe : anjara. Indraindray dia mety ho vokatry ny safidin’ny olombelona no nahatanteraka ny fanambadiana ka mety tsy ho tomombana izany fa hisy ny fikorontanana.

 Lire la suite...

Torohevitry ny mpitsabo hiatrehana hatsiaka

22/05/2019

Efa ankatoky ny ririnina isika amin’izao fotoana izao, raha ny toetry ny andro no jerena. Indro ny torohevitry ny mpitsaboa amin’ny tokony atao mandritra io vanim-potoana io sy ho fisorohana ny mety hipoiran’ny aretina mifandraika amin’io vanim-potoana io.

 Lire la suite...

Inona no sakafo mahangeza vetivety fa tena kely loatra aho ka mba te hitombo haingana ?

21/05/2019

Sady ny tena mampalahelo ahy dia kianin’ny olon-tiako foana aho amin’ny hakeliko ary asainy manao “régime”.

 Lire la suite...

Tsy izay fanambadiana tanteraka rehetra no atao hoe : anjara

21/05/2019

Fanomezana avy amin’Andriamanitra ny vady. Araka ny efa voalaza tamin’ny torohevitra teo aloha dia tsy ny olona rehetra no nantsoin’Andriamanitra hanam-bady.

 Lire la suite...

Voalahatra hatrany am-pahariana ve ny vady ?

20/05/2019

Raha ny fomba namoronan’Andriamanitra ny olona dia tsy ny fanambadiana no tanjona voalohany eto ambonin’ny tany. Tsy mitovy mihitsy ny tso-drano nomen’Andriamanitra ny olombelona sy ny biby mikasika ny fanambadiana.

 Lire la suite...

Conseils

Vehivavy tsy dia nianatra loatra aho no sady zanak’olona sahirana.

03/12/2018

Ny lehilahy miaraka amiko anefa sady manankarena no nahita fianarana. Milaza ho tia ahy izy nefa tsy tena tsapako izany, sady mampirafy be izy. Izaho nefa lazainy fa halainy ho vady. Tokony hisaraka aminy ve aho ?

 

 Matoa sady miaraka aminao izy no miaraka amin’olon-kafa dia misy zavatra andrasany aminao fotsiny, ny lehilahy rahateo manao fy ny atsy mamy ny aroa. Mariky ny tsy fahamatoran’ny fitiavana rahateo ny fampirafesana. Tokony ho tsapany, noho izany fa porofom-pitiavana iray lehibe indrindra ny fifanajana, ka raha tsy misy izany eo aminareo dia tsy lalina sy tsy madio izany ny fitiavany anao. Etsy andaniny, efa fantatrao fa mampirafy izy, fantatrao ihany koa ny elanelana misy eo aminareo (harena sy fahaizana), izay tsy tokony hametraka olana anefa rehefa tena ampy ny fifampiresahana sy ny fifankahazoana. Manoloana izany rehetra izany dia anjaranao no mandanjalanja, na zakanao na tsia ny fiarahana aminy. Mahasambatra anao ve izany fifandraisanareo izany ? Araka izay no anapahanao hevitra ny amin’ny mbola hiarahanao aminy ihany na tsia.

Niaraka tamin’olona aho dia nisarahako izy avy eo, stria fantatro fa nampirafy ahy. Tsy nanaiky izy, dia nilefitra aho, saingy rehefa miady izahay ka tezitra izy dia lasa izy mankany amin’ilay sipany. Leo aho ny farany dia nisarahako izy.  Amin’izao anefa izy, mangata-maso be amiko foana. Henoko tamin’ny namany fa nisaraka izy sy ilay vehivavy. Mbola afaka mifamerina ve izahay ?

Miankina amin’izay ifanarahanareo roa tanteraka izany. Mino ve aloha ianao fa mbola tena te hiarakaaminao marina izy ? Efa nisy dingana nataony ve nanatonany anao indray sa nionona tamin’ilay hata-masony fotsiny ianao ? Ary ny anao ve, fitiavana sa fiantrana ? Samy hafa tanteraka mantsy ireo. Sao ny alahelonao fotsiny no mahatonga anao te hiverina aminy indray fa efa tsy mitempo ho azy intsony ny fonao. Ary ny toetrany tsy zakanao teo aloha, mbola ho zakanao ve raha miverina ? Sa inona no fepetra horaisinao hisorohana ny mety hiverenan’izany indray ? Ireo rehetra ireo no tokony hodinihinao tsara raha mieritreritra ny hifamerina aminy ianao. Tsy misy tokony hahamaika anao hifamerina aminy koa anefa , raha mbola tsy naneho fihetsika na fiteny mazava izy fa maniry ny hiaraka aminao indray.

Tiako loatra ny vadiko dia tena saro-piaro be aminy aho. Inona no tokony ataoko mba ialako amin’izany fahasarota-piaroko izany ?

Efa zava-dehibe ny fahatsapanao tena fa saro-piaro tafahoatra ianao. Dingana iray lehibe mankany amin’ny fiovan-toetra izany. Ny manaraka dia mila miresaka am-pitoniana amin’ny vadinao ianao, indrindra raha misy zavatra ataony, fihetsika na fiteny, mety mandrongatra ny hasarotam-piaronao. Tsory aminy mihitsy ny marina. Aza raràna be fahatany tsy hanao izay tsy tianao anefa izy, fa ampahafantaro azy fotsiny fa misy izany zavatra tsy zakanao izany. Fahatelo, ezaho fantarina izay tsara eny aminao, na endrika ivelany io na toetra… Reseho lahatra ny tenanao fa tsara, manana ny maha-ianao anao… Miezaha matoky tena fa io no fototry ny hasarotam-piaro tsy mitombina. Farany, rehefa manomboka miakatra ilay hasarotam-piaro ka mitady hanao fihetsika na fiteny tsy voahevitra ianao dia miantsoa olona iray atokisanao, tantarao azy ny mavesatra ao am-ponao. Raha tsy misy izay dia mitadiava zavatra ampiasana saina : mamaky boky, mijery horonan-tsary mampihomehy…

 <<Retour

 

Copyright 2009 Jejoo