Jejoo

Dans la même rubrique

Vahaolana ho an’ny hoho mihamavo, mora tapaka, …

19/03/2019

Betsaka ireo karazana fahasimbana mety hahazo ny hoho. Mety ho noho ny fahasalamany sy ny toetoetrany izany, kanefa mety ho avy amin’ny akora nampiasainao taminy ihany koa. Soa fa misy ary azo arahina tsara ireo vahaolana mety ho an’ny olana tsirairay…

 Lire la suite...

Manadio tarehy amin’ny tantely, miaro amin’ny kentrona sy firorahana

18/03/2019

Akora tsotra sy natoraly ary sakafo feno ny tantely. Raha hikolo endrika aminy, dia amarino tsara mba ho ireny tantely tsy mitapoka ireny no ampiasaina. Tsotra kely ny fanao azy, raha hanadio tarehy aminy.

 Lire la suite...

Ny fomba fikarakarana tarehy tsy manana olana…

15/03/2019

Betsaka amin’ny vehivavy tsy manana olana loatra eo amin’ny tarehy, na manana tarehy ara-dalàna, no manapa-kevitra ny tsy hikitikitika ilay hodi-tava mihitsy sao miova ny kalitaony.

 Lire la suite...

Lalàna 6 mahatsara ny tongotra mandavan-taona …

14/03/2019

Andro mafana, orana sy fotaka, vovoka… mety hanimba ny tongotra avokoa izany. Raha voafehinao tsara anefa ny “lalàna”

 Lire la suite...

Dingana 3 manala « points noirs » eo amin’ny orona

13/03/2019

Na manelingelina be aza ny mahita ireo teboteboka madinika maintimainty eo amin’ny tampon-korona dia tsy azo atao mihitsy ny manapotsitra azy ireo na mikaoka azy amin’ny hoho. Misy ny dingana arahina sy ny fomba natoraly atao rehefa te hanaisotra azy ireny.

 Lire la suite...

Ny tokony hatao isan’andro, rehefa manadio tarehy…

12/03/2019

Averimberina foana fa dingana iray tena lehibe amin’ny fikoloana endrika ny fanaovana « démaquillage » na ny fanadiovana tarehy indroa isan’andro.

 Lire la suite...

Maska “yaourt” atao alina, manja ery ny maraina!

11/03/2019

Na andro na alina dia mila tandrovana tsara foana ny tarehy. Ity maska fanao amin’ny alina ity, dia hampazava sy hanadio endrika vao maraina, manala ireo loto nipetaka be teo no sady manaisotra ireo mivoara mena ihany koa, rehefa maraina ny andro. Akora natoraly no hanaovana azy.

 Lire la suite...

Beauté

Antony 3 hanaovanao « blush » isan’andro …manomboka izao

30/11/2018

Manomboka izao ianao dia ho resy lahatra, fa hanatsara endrika anao isan’andro no sady tena ilainao ny fanaovana “blush” eo amin’ny laingon-tava. Tsy voatery hanao haingon-tava be sy “maquillage” manao ahoana mantsy, fa ny laingon-tava fotsiny no haingoana, dia ho manjamanja sy velom-bolo ianao hiatrika ny tontolo andro …

 

 

 

 

Mampavitrika endrika eo no eo

Raha tsapanao fa vizambizan’endrika ianao dia hamaha an’izay olana  izay ny “blush” na ny “fard à joues” hoy isika, izay apetraka eo amin’ny takolaka. Mamelombelona ny endrika izy ireny, ary manazava azy koa. Amin’ny andro mangatsiaka dia mameno hafanana sy mampibontsimbontsina endrika ny “blush”. Amin’ny andro mafana indray, dia mamelombelona sy manaitra ny tarehy malok’endrika sy vizana izy. Tandremo anefa fa tsy afotetaka ny « blush » sao vao mainka hanantitra ny endrikao sy hanimba azy indray. Raha diso be loatra, tsy natao fanahy iniana kosa indray, dia faona moramora amin’ny « pinceau » na tsindriana « poudre » kely, raha manana.

Manakelikely endrika

Azo lalaovina hanitsiana ny firafitry ny tarehy koa anefa ny “blush”.

-          Ho an’ny tarehy fisaka sy manify dia azo atao ny manome hadiry azy, amin’ny alalan’ny “blush”. Mitsikia faran’izay tratran’ny molotrao mba hiseho avokoa ny molotra. Eo amin’ny faritra farany indrindra izay midongona amin’ny takolaka eo am-pitsikiana iny no asiana blush kely dia ahosotra eo amin’ny manodidina eo.

-           Raha boribory be ny tarehy, dia “blush mat” ireny no ampiasaina. Fady ny “blush irises” satria vao mainka manome hadiry izany. Eto indray dia ny faritra milempona no asiana an’ity akora ity.

-          Ny tarehy lavalava kosa indray, dia eo atao somary mitsivalana ny fanosotra ny “blush”. Miala eo amin’ny laingon-tava, ary sintonina mihazo ny sofina.

Mety amin’ny lokon-koditra rehetra

Tombony goavana amin’ny fampiasana “blush” ny fanomezany vahana sy hatsarana ny karazan-kendrika tsirairay, tsy misy an-kanavaka. Misy ho an’ny rehetra mantsy ny “blush”.

-          Raha mazava loko ianao, somary fotsifotsy, dia ireo “blush” miloko mavokely “pastel” na “bois de rose” dia tena hanendrika anao. Hanalefaka ny endrikao izany.

-           Raha somary matromatro-doko ny endrikao, somary mangamanga na zarazara, dia ireo “blush” miloko “prune”, rose-fuschia”,  na koa mena matsatso no hanendrika anao. Mahaiza mandanjalanja tsara ny fatrany dia hanendrika hatramin’ireo mainty fihodirana aza izany.

-          Ho an’ny rehetra kosa, ary tsy manavaka fa manatsara azy rehetra ny loko “peche”, ny “corail” ary ny “orange”.

 

Ando

 

 

 <<Retour

 

Copyright 2009 Jejoo