Jejoo

Dans la même rubrique

20 taona aho, nisy lehilahy niaraka tamiko nandritra ny 4 taona.

15/02/2019

Izy no niaraka tamiko voalohany ary efa fantatry ny ray aman-dreniko ny fiarahanay. Miady foana anefa izahay dia misaraka ary farany dia tena nisaraka tanteraka.

 Lire la suite...

Nisaraka efa ho herinandro izao izaho sy ny vadiko.

13/02/2019

Mangalatra ny ao an-trano foana izy ary mamono ahy. Niteraka lahy kely iray izahay, nefa namoaka vava izy fa tsy misy iraharahiany an’izay zaza tokana. Dia lasa izahay mianaka nefa hatramin’izao aho mbola malahelo azy.

 Lire la suite...

Masiaka be ny vadiko, tsy avelany mihetsika mihitsy aho fa tsy maintsy izay tiany foana no atao.

08/02/2019

Matahotra azy aho dia manaiky tsy fidiny, nefa tsy mba mahatsapa fahasambarana mihitsy, amin'ilay voafehy loatra. Mitady ho leo aho, ka mba ampio.

 Lire la suite...

Tsy mety mitondra ahy any an-tranony mihitsy ny sipako. Tsy tiany ve aho izany, sa inona no antony ?

06/02/2019

Tsy azo hitsarana azy avy hatrany ho tsy tia anao izany, fa misy antony maro. Mety mbola vao haingana loatra no niarahanareo, raha ny fiheverany azy, ka mbola tsy fotoanany aloha izao.

 Lire la suite...

Vehivavy 23 taona aho, 32 taona ny vadiko.

05/02/2019

Bevohoka aho izao, nefa mbola tsy vonona mihitsy. Niteny tamin’ilay vadiko aho hoe : aleo esorina aloha ilay zaza, dia tezitra be tamiko izy.

 Lire la suite...

Vehivavy 25 taona aho, manambady ary manan-janaka iray.

04/02/2019

Vao niditra niasa vao haingana aho ary misy lehilahy mpiara-miasa aminay, manambady aman-janaka koa, milaza ho tia ahy. Henoko mitempo fitiavana aminy ny foko, nefa matahotra aho sao ho lasa olana be ny fiarahanay, indrindra eo amin’ny sehatry ny asa. Mba toroy hevitra.

 Lire la suite...

Ngita ny voloko ary tsy maintsy tsorina mba tsy hisavovona be.

30/01/2019

Izay foana ny taovoloko isan’andro. Miferin’aina be anefa aho rehefa avy toy izao ny orana, satria tsy maintsy simban’ny orana foana ny volo. Sao mba manana torohevitra ianareo ?

 Lire la suite...

Conseils

Misy olona mbola tsy hitako hatramin’izay,

27/11/2018

fa mifanerasera amin’ny telefaonina fotsiny izahay, efa ho 4 volana izao. Resaka asa no niantombohany, fa avy eo izahay dia lasa mifanakaiky be. Tsara fanahy be izy, manambitamby ary niteny tamiko hoe mahafinaritra azy aho. Izaho koa toa lasa tia sy tsy mahafoy azy. Inona no ataoko ?

 

 

Tokony hofantarinao aloha ny ao anatin’ny sainy sy ny eritreriny mahakasika anao. Sao ilay miresaka aminao fotsiny no mahafinaritra azy, fa tsy manam-pitiavana anao izy. Raha toa ka tsy mifanojo ny fihetseham-ponareo dia, na manova ny fomba fitiavanao azy ianao, ka mandray azy ho namana fotsiny, na manapaka tanteraka ilay fifaneraserana an-telefaonina, raha tsy vitanao ny mandray azy ho namana. Raha toa kosa ka manam-pitiavana anao izy, na te hiaraka aminao, dia tokony ho fantatrao fa mety hiova ny fihetseham-po rehefa tena mifankahita ianareo. Tsy misy olona tena afaka ny milaza hoe : tia tanteraka mantsy, raha tsy efa mifankahita tava. Mety tsy hety aminao ny endriny, na ny fomba firesany, ny fihetsiny… Izy koa torak’izany. Ilaina, araka izany, ilay mifankahita amin’ny toerana azo antoka sy be olona, dia ho hita eo  izay tohiny, fa aza mbola mametraka fanantenana be aminy aloha.

5 taona nivadiana izahay mivady ary manan-janaka 2. Herintaona nivadiana izahay no nanomboka nampirafy ahy izy ary tsy mety misaraka amin’ilay vehivavy mihitsy. Rehefa anontaniako azy anefa ny antony mahatonga azy hampirafy dia tsy mety hiteny amiko izy. In-dray mandeha fotsiny izy no nilaza hoe : tsy tonga lafatra hono aho.

Indraindray, mila mamerina ny lasa handinihina ny tsy nety rehetra sy ahafahana mamaha ny olana mipetraka amin’ny fiainana iainana ankehitriny ary hitsinjovana ny ho avy. Raha tsy hitanao irery ny mety ho olana dia andraso ilay fotoana mahatony anareo roa dia anontanio azy izay tsy mahafa-po azy eo amin’ny fiarahanareo, izay tsy tiany any aminao, izay zavatra iriany nefa mety lasa sakana amin’izany ianao… Lazao azy avy eo fa vonona ny hanampy azy hahatongavany amin’ny tanjona iriany ianao, vonona ny hanohana azy sy hanao izay hahasambatra azy. Apetraho aminy kosa anefa fa mila manohana anao koa izy ahafahanao mahatanteraka izany tsara. Zava-dehibe indrindra amin’izany ny fanajany anao, ny fanajanonany ny fampirafesana. Tokony handona ny fony izany raha tena mbola misy fitiavana ao anatiny. Rehefa tsy mampiraika azy izany dia efa izy mihitsy no tsy vonona hanao ezaka ka aza maka aretin’andoha aminy intsony fa atreho ny fiainanao, ataovy izay hahasambatra anao sy ny zanakao.

Noho ny elanelan-tany dia nisaraka izaho sy ny olon-tiako. Izy io anefa no niaraka tamiko voalohany. Marary be ny foko, malahelo azy foana aho. Ahoana no fomba anadinoako azy ?

Ovay tanteraka ny tontolo sy ny fombafomba nahazatra anao sy niarahanao tamin’io olona io. Raha toa ka misy hira fihainonareo dia aza mihaino izany intsony aloha, ny toerana falehanareo taloha raha mbola azo atao dia ivilio lalana. Fa indrindra indrindra, aza mieritreritra azy intsony ianao. Aza mamisavisa fiainana eo anilany izay tsy ho azonao tanterahina akory, fa tsy hahasitrana anao mihitsy izany. Fafao avokoa izany ny momba azy. Mila finiavana avy aminao koa anefa izany ary mila resy lahatra ianao fa tokony hanadino. Raha mbola kolokoloinao ao ilay fitiavana sy ilay fahatsiarovana dia tsy ho adinonao mihitsy izy, na ho aiza na ho aiza ianao.

 <<Retour

 

Copyright 2009 Jejoo