Jejoo

Dans la même rubrique

Rakotomena Juliette : asa fanasoavana ny fampianarana

13/07/2018

Vehivavy mpanabe sady mpitantana sekoly no vahiny entin’ny Jejoo amin’ny mpamaky amin’izao toe-draharaha mampafana ny resaka fanabeazana eto amin’ny firenena izao.

 Lire la suite...

Mbolatiana Ranaivo : Vavitokana mpilalao “voiture radiocommandée” eto Madagasikara

20/06/2018

I Mbolatiana Ranaivo, andriambavilanitra voalohany eto Madagasikara, amin’ny filalaovana an’ireny « voiture radiocommandée » na voiture RC ireny indray, no mivahiny eto amin’ny Jejoo androany.

 Lire la suite...

Hanta RAMAKAVELO : Mankalaza jobily, hizara ireo soa azony hatramin’izay

02/05/2018

Rtoa Hanta RAMAKAVELO no entina aminao mpamaky gazety Jejoo anio. Renim-pianakaviana izy, mpampianatra sy mpampiofana momba ny fahaiza-mitarika sy ny fampivoarana ny maha-olona eto amintsika ihany koa.

 Lire la suite...

Mirado, efa tsy tokan-tena intsony…

18/01/2018

Nindrana ny hiran'i Ludger Andrianjaka, fony izy mbola 7 taona tany ho any, no nahitana sy nahafantarana ny talentan'i Mirado Ravohitrarivo voalohany. Folo taona taty aoriana, tamin'ny taona 2007, dia niakatra sehatra irery izy, tetsy amin'ny CC ESCA Antanimena. Babo taminy avy hatrany ny tanora, izay nankafy ny hira natolony. Isan'ny nanintona teny aminy rahateo ny hatsaran'ny endriny, izay nampientam-po tovovavy maro mihitsy…

 Lire la suite...

Pitsana : Manambady Karàna, manohana azy tanteraka ny vadiny

21/12/2017

Vao mahita azy dia mahatsikaritra fa tena pitsana tokoa i Pitsana. Kelikely izay izy faihany koa, tena sariaka ! Tafahaona taminy ny gazety Jejoo ka niresadresaka momba ny antony nisafidianany hilalao sarimihetsika izy no sady nizara ampahany amin’ny fiainany andavanandro.

 Lire la suite...

Miora (kopi kolé) : Mitantara ny nataony itoviany amin’i Tahiry

23/11/2017

Toa miverina mahita an’i Tahiry tany amin’ny fiandohan’ny tarika Ndondolah sy Tahiry rehefa mahita an’i Miora, izay naka tahaka azy tao anatin’ilay fandaharana Kopi Kolé andiany fahadimy, nokarakarain’ny fahitalavitra iray teto an-drenivohitra. I Miora na i Rakotoarimalala Miora Zinah mantsy no nandresy tamin’ity lalao ity ary hita fa tena misy hitovizana mihitsy eo amin’izy roa ireto.

 Lire la suite...

DIDALOS, Youtuber Gasy

21/09/2017

DIDALOS no vahinin’ny Jejoo anio. Ny mpampiasa ireo tambajotram-pifandraisana sy mpanaraka ireo horonan-tsary mahatsikaiky mivoaka ao amin’ny YouTube no tena mahafantatra azy hatreto, fa mahafantatra azy koa ireo mpanaraka ny Festival du rire 18.mg.

 Lire la suite...

Vie pro

Ialy sy Iris : 60.000Ar no niaingany …lasa miserasera any ivelany amin’izao

11/01/2018

Mpirahavavy kambana i Ialy sy Iris. Toy ny iray ihany izy roa, na eo amin’ny sehatry ny asa aza. Nanangana orinasa mivarotra amin’ny aterineto izy roa vavy ao anaty “Facebook”.

Miroborobo izany orinasa izany amin’izao fotoana ary mbola mieritreritra ny hanitatra izany  aza  izy roa vavy.  Mizara ny niandohany izy ireo, ny tsiambaratelon’ny fahombiazany sy ny sedra nolalovanin’izy ireo.

Jejoo : Mba zarao aminay ny niandohanareo

Ialy sy Iris : Fitiavana lamaody no niantombohanay ary hitanay fa somary “coincé” ny eto Madagasikara raha resaka lamaody. Voatenin’ny olona foana izahay tamin’izany, tamin’ny fomba fiakanjo : mahasahisahy loatra, tsy any an-dafy isika… misy mihitsy aza ny nanendrikendrika anay ho mivaro-tena, saingy tsy nampihemotra anay izany fa vao mainka aza nataonay ho tohatra fiakarana sy hiezahana hanao zavatra tsara foana. Nanohana anay foana koa ny ray aman-dreninay, dia lasa hery lehibe ho anay ilay izy. Tany amin’ny taona 2015 tany izahay no nanomboka nivarotra tamin’ny aterineto. Mbola nalefa tany anaty “groupe” ireny ilay izy, tamin’izany.  Nanao “hôtesse” izahay taloha dia nahazo karama, ka iny karama iny no niantombohanay. Nisy olona nanoro hevitra anay ny amin’ny hidirana amin’ny varotra amin’ny aterineto, izay isan’ny nanosika anay hanao ilay izy. Niainga tamin’ny vola 30.000 Ar tsirairay izahay roa. Tsy mba nindram-bola tany amin’ny banky mihitsy izahay fa niainga tamin’ny kely teo am-pelan-tanana ary nifofotra mafy vao tonga tamin’izao toerana nisy anay izao. 

Jejoo : Avy aiza ilay fitiavana lamaody ka nahatonga anareo hifantoka amin’io asa io ?

Ialy sy Iris : Toa an’i neninay dia tena tia miantsena izahay. Tia mitsongoloka, hoy ny fiteny, na hijery lamaody fotsiny aza. Izy rahateo efa nampiaiky ny maro ny fahaizany misafidy ny akanjo anaovany sy manamboatra izany mba hifanaraka aminy, dia nifindra ho azy taty aminay ilay izy. Tany am-boalohany, teto ihany izahay no nijery entana, fa amin’izao efa manomboka manafatra any Frantsa, sy Maorisy. Efa manomboka manokatra ny orinasanay any Frantsa izahay no sady mampiditra entana ihany koa. Hisy marika alemana vaovao mbola tsy misy mpanana mihitsy, ho hafarana hiditra eto Madagasikara atsy ho atsy.

Jejoo : Inona no sedra goavana tena nolalovanareo

Ialy sy Iris : Ny tsy fisian’ny entana ! Nanana tombony anefa izahay satria tsy mba nanary anay mihitsy ireo mpamatsy anay. Ny ankabeazan’ireo mpamoaka entana koa efa nahafantatra anay, dia mamela entana ho anay foana izy ireo. Tsy tena mitovy amin’ireo mpivarotra amin’ny aterineto hafa, fa fitahiana avy any amin’i Jesosy foana ny anay no mampizotra tsara ny asa rehetra. Nisy fotoana, tsy maintsy nampiakatra vidin’entana izahay satria niakatra be mihitsy ny vidin’entana tany Eoropa. Miezaka mitazona ny vidin’ny entana anefa izahay mba hitazonana ireo mpanjifa. Efa misy hatrany Frantsa, Alemana, Maorisy, Belzika, Seychelles, Etazonia ireo mpanjifa ao amin’ireo pejy miisa telo hiasanay : pejy ho an’ny lehilahy, ho an’ny ankizy sy ho an’ny vehivavy. Ankoatra ireo dia mbola manana pejy mahakasika ny “maquillage” izahay.

Jejoo : Misy tetikasa hafa efa eritreretinareo ve ?

Ialy sy Iris : Manana eritreritra ny hanangana pejy momba ny fanaingoana trano izahay, eo ihany koa ny “restauration” izay hanaterana sakafo ho an’ireo olona tsy afaka mivoaka ao an-trano na mamonjy toeram-pisakafoana. Mbola hisy koa ny fanofana fitaovana fampandihizana. Mieritreritra ny hanitatra ny toerana hiasana izahay, noho ireo tetikasa be dia be ireo.

Jejoo : Ohatrinona eo ho eo ny vola mihodina ao anatin’ny orinasanareo?

Ialy sy Iris : Raha  isa-kerinandro dia manodidina ny 20 tapitrisa Ariary eo  ho eo, arakaraky ny “arrivage”. Efa misy eo amin’ny 3 tapitrisa teo izao no mpanjifa nividy taminay fa tsy voaisa. Ireo mpanjifa efa mpanaraka anay kosa no anananay “base de donnée”.

Jejoo : Manoloana ny asa be dia be ataonareo, inona no fialambolinareo ?

Ialy sy Iris : Tsy misy (hehy). Betsaka ny asa dia tsy mahatombina mihitsy ny saina raha vao tsy mandray anjara manampy ny ekipa. Fa rehefa tsy miasa dia misakafo, mijery fahitalavitra, dia mihira.

Jejoo : Manao régime manokana ve ianareo ?

Ialy sy Iris : Tsy manao régime mampahia izahay, tsy mifady sakafo ihany koa. Rehefa avy mihinana matsiro fotsiny dia manadio ny any anaty any. Tsy manao fanatanjahantena be akory aza fa ny “rythme” ato amin’ny orinasa h enjana be.

Jejoo : Ary inona no akora ampiasainareo hikoloana endrika ?

Ialy sy Iris : Diloilo kôkô. Indraindray mampiasa L’Oréal fa tsy matetika akory. Tsy mividy zavatra lafo hikarakarana tarehy izahay.

Mifototra amin’ny finoana ny firoboroboan’ny orinasa izay sahanin’i Ialy sy Iris miaraka amin’ireo ray aman-dreniny sy ny anadahiny.  Ary isan’ny hafatra fototra ampitain’izy ireo amin’izay maniry ny hanatratra tanjona ny fikirizana ao anatin’ny finoana.

 

Rinahsoa

 

 <<Retour

 

Copyright 2009 Jejoo